Бемордан гемокультурага қон олиш қоидалари мақсад: Қонда бактерияларни аниқлаш. Кўрсатма

БЕМОРДАН ГЕМОКУЛЬТУРАГА ҚОН ОЛИШ ҚОИДАЛАРИ
Мақсад: Қонда бактерияларни аниқлаш.
Кўрсатма: Ташхиси ноаниқ ва 3 кундан ортиқ иситмалаган беморлардан олинади.
Керакли анжомлар: Стерилланган резина қўлқоп, ўтли булон ёки Раппопорт озуқаси солинган флакон (50-100 мл), спиртовка, бир марта ишлатиладиган шприцлар (5-10 мл), спирт (70^о), жгут, церилланган пахта, ниқоб, лабораторияга йўлланма варақаси.
Бажариладиган босқичлар (қадамлар):

• 
  Стерилланган резина қўлқоп кийилади ва ниқоб тақилади, бемор ён томонга қараган ҳолда ўтиради.
  
• 
  Ўтли булон ёки Раппопорт муҳити хона ҳарорати даражасида иситилади.
  
• 
  Беморнинг билаги тирсагидан юқорисига жгут қўйилади.
  
• 
  Билак юзаси спирт (70^о) шимдирилган стерилланган пахта билан артилади.
  
• 
  Бемор томиридан шприц орқали 5-10 мл қон олинади.
  
• 
  Жгут олиб ташланади, игна олинган эрга спирт (70^о) шимдирилган пахта қўйилади, бемор билаги букилади.
  
• 
  Ўтли булон ёки Раппопорт муҳити олинган флакон спиртовка устида очилади.
  
• 
  Спиртовка алангаси устида олинган қон ўтли булонга ёки Раппопорт муҳитига 1:10 нисбатида экилади
  
• 
  Қон солинган флакон оғзи қопқоғи билан спиртовка алангаси устида беркитилади.
  
• 
  Йўлланма варақасига бемор маълумотлари ёзилади ва бактериологик лабораторияга юборилади.
  

ЎТКИР ИЧАК КАСАЛЛИКЛАРИ (САЛЬМОНЕЛЛЕЗ ВА ШИГЕЛЛЕЗ) ДА БАКТЕРИОЛОГИК ТЕКШИРИШ УЧУН НАЖАС ОЛИШ ҚОИДАЛАРИ.
Мақсад: Диарея синдроми билан кечувчи касалликларга ташхис қўйиш.
Кўрсатма: Диарея синдроми билан кечувчи барча касалликлар.
Керакли анжомлар: Беморнинг нажасини олиш учун тоза тувак, стерилланган резина қўлқоп, ниқоб, консервантлар (Тига, Мюллер), стерилланган таёқча ёки қошиқча, лабораторияга йўлланма варақаси.
Бажариладиган босқичлар (қадамлар):

• 
  Стерилланган резина қўлқоп кийилади, ниқоб тақилади.
  
• 
  Тувакни хлор эритмаси бўлмаган оқиб турган сувда чайилади.
  
• 
  Тувакни нажас олиш учун беморга берилади.
  
• 
  Стерилланган таёқча ёки қошиқча олинади.
  
• 
  Нажаснинг шиллиқ бор жойидан намуна олинади.
  
• 
  Нажаснинг йиринг ва қонли қисмидан олинмайди.
  
• 
  Олинган намуна консервантларга (Тига, Мюллер) экилади.
  
• 
  Шигеллезда Тига муҳитига 1:3 нисбатда экилади.
  
• 
  Сальмонеллезда Мюллер муҳитига 1:5 нисбатда экилади.
  
• 
  Лабораторияга йўлланма варақасига беморнинг маълумотлари ва тахминий ташхиси ёзилади, махсус биксда лабораторияга юборилади.