çowdur
(asly çowuldar), çandyr (çawyndar), baýyndyr (bagandar)
diýen
türkmen etnonimleriniň düzüminde-de duş gelýär.
Ig
sözüniň asyl manysy barada biz iki çaklamany hödürlemekçi.
1. Bu söz
ýyg
söz bilen bir kökden bolup, ol “ýygyn”, “taýpa” ýaly
manylarda ýüze çykypdyr. Onuň inçe çekimlili ýig görnüşi çigmek, çigin
sözleri bilen asyldaş bolup, bu sözler hem özünde şol gadymy many
ýokundysyny saklapdyr. Altaý dilleri toparyna degişli bolan tungus-
manjur (ewenk) dillerinde ýigna sözi hut “ýygyn” manysyndadyr.
2. Ig sözi ňg, og (serediň: ögem, oguz) sözleri bilen asyldaş bolup,
bu ýagdaýda-da ol ilki “topar”, “il”, “taýpa” manysyny aňladypdyr.
155
ÝIGRIMIDÖRT
Çarşaňňy we Kerki raýonlarynda ýaşaýan mukry hem-de hatap
taýpalarynyň düzüminde
ýigirimidört
diýen tireler bar. Giçki orta
asyrlrda Orta Aziýadan Azerbaýjana we Kiçi Aziýa ýurtlaryna göçen
gajarlaryň arasynda-da şu atdaky etnik toparlar bolupdyr.
Belli etnograf G.I.Karpow türkmen tire-taýpalarynyň derňewine
bagyşlanan kandidatlyk dissertasiýasynda (1942) hataply ýaşululardan
ýigrimidört diýen etnonimiň döreýşine degişli ýazyp alan täsin rowaýatyny
getirýär. Onda bu tiräniň wekilleriniň 24 ýaşdan aňy geçmändigi, bardy-
geldi, şol ýadan geçen adam bolaýsa-da, geçmişde olaryň öldürilenligi
gürrüň berilýär. Elbetde, beýle rowaýatyň hakykat bilen dahyly ýok.
Mukruly ýaşulularyň ýigrimi dört diýen tiräniň 24 maşgaladan dörändigi
baradaky gürrüňleri hem onçakly ynandyrmaýar. Biziň pikirimizçe, bu
tiräniň adyny türkmen halkynyň iňňän gadymy taryhyndan gözlemek
hakykata laýykdyr. Malim bolşy ýaly, gadymy türkleriň, şol sanda
türkmenleriň ata-babalary bolan gunlar biziň eramyzdan has öň hem 24
bölüge (okruga) bölünipdirler. Bu däp uzak dowam edipdir. Meselem, L.H.
Gumilýew “Gadymy türkler” diýen kitabynda Aşide diýen serkerdäniň
ýolbaşçylgynda türki ilatyň bir böleginiň 679-njy ýylda hytaýlylaryň
zulmuna garşy gozgalaň edendigini, oňa soňra türki halklaryň 24 bölüginiň
ählisiniň goşulandygyny ýazypdyr. 24-e bölünmeklik däbi gunlaryň
härby-nyzamy bilen baglanyşyklydyr. Uruş mahaly gun goşunlary 24
topara bölünip, olaryň ýarysy (12 bölegi) goşunyň çep, beýleki ýarysy
hem sag ganatyny düzüpdir. Öz gezeginde, her ganat dört-dörtden üç
topara bölünipdir. Hut şu bölünişik türki halklaryň taýpalara bölünmek
dänine-de geçipdir. Akademik S.P. Tolstow taýpa bölünişigiň 24-lik
sistemasynyň türkmenlerde XI asyrdan başlap hut hqzire çenli dowam
edýänligini, onuň IV asyrda Aral boýlaryna göçüp gelen gunlardan
oguzlara geçenligini ýazypdyr. Dogrudan-da, Mahmyt Kaşgary,
Reşideddin, Ýazyjy-ogly, Salar Baba, Abylgazy ýaly alymlar, şeýle-
de ähli “Oguznamalar” oguz-türkmenleriň 24 taýpadan durýanlygyny,
ol taýpalaryň atlaryny, tagmalaryny, ongonlaryny (guşlaryny), mal
soýlanda, her taýpa degişli ülüşlerini jikme0jik görkezipdirler.
Türk alymy professor Faruk Sýmer Türkiýä göçen türkmenlerde hut
sefewiler döwründe-de 24-e bolünmek däbiniň saklanandygyny, ýagny
156
ýakyn aralykdaky 24 obanyň iline (uruglaryna)
Do'stlaringiz bilan baham: |