Баҳтли оила 1 Кириш

Шаръий алоқа ибодатдир
Мусулмоннинг ҳаромдан сақланиши вожиб. Шаҳватни ҳалол йўл билан қондириш 
ибодатдир. Турмуш қуриш – суннат. Ҳазрати Пайғамбар (с.а.в.)нинг суннатларига тобе 
бўлиш бир ибодатдир.
Исломга кўра, жинсий кучни бекор қилиш жоиз эмас.
Саъд ибни Абу Ваққос дейди: "Усмон ибн Мазъун дунёдан ва аёллардан ўзини 
тортиш учун Расулуллоҳдан рухсат сўради. Лекин Расулуллоҳ (с.а.в.) унга рухсат 
бермадилар. Агар рухсат берганларида биз ҳам ўзимизни бичардик".
Амр ибн Аснинг ўғли Абдуллоҳ жуда ҳам сўфи одам эди. Отаси уни насабли бир 
аёлга уйлантирди. Амр ибн Ас келинидан эри ҳақида сўради. 
Келин дедики: "Қандай яхши одам! Ҳалигача мен бир ётоқда ётмади. Унга аёл 
бўлганимдан бери жинсий алоқада бўлмадим".
Вазият бу тарзда бўлгач Амр ибн Ас буни Ҳазрати Пайғамбар (с.а.в.)га айтди. 
Пайғамбаримиз Амр ибн Асга ўғли Абдуллоҳни келтиришни буюрдилар. Абдуллоҳ 
келди. Расулуллоҳ (с.а.в.) ундан:
- Кундузни рўза, кечани намоз билан ўтказаётган экансан, шундайми? - деб 
сўрадилар. Абдуллоҳ:
- Ҳа, эй, Расулуллоҳ, - деди. Ҳазрати Пайғамбар (с.а.в.):
- Бундай қилма, баъзан рўза тут, баъзан тутма, баъзан ухла, баъзан намоз ўқи. Зеро, 
сенинг устингда жасадинг, кўзларинг ва аёлингнинг ҳаққи бор, - дедилар. Ҳадисдан 
англашилганидай, айниқса, уйлангандан кейин жинсий ҳаётдан кечиш тўғри эмас. Бу 
турмуш ўртоқ ҳаққига риоя қилмасликдир. Ҳазрати Пайғамбар (с.а.в.) кўпларни ҳайрон 
қолдирган шу гапни айтдилар: "Сизлардан бирингизни турмуш ўртоғи билан жинсий 
алоқада бўлишида садақа савоби бор".
Саҳобалар сўрадилар:
106

---

- Бизлардан биримиз жинсий истагимизни қондирсак, қандай савоб берилади? 
Расулуллоҳ (с.а.в.):
- Биттангиз зино қилсангиз гуноҳ бўлади, тўғрими? Худди шундай аҳли аёл билан 
муносабатда бўлиш савоб иш ҳисобланиб, савоб берилади.