Баҳтли оила 1 Кириш

Оилани ҳимоя қилишда яқинларнинг вазифалари
Ота ва оналар фарзандларни яхши кўриши табиий. Зеро, фарзанд уларнинг бир 
парчасидир. Лекин улар турмуш қургач, аҳвол бошқача бўлади. Чунки севгини баҳам 
кўрадиган янги шерик келган.
Айрим ота-оналар фарзандлари турмуш қургандан кейин ҳам уларни аввалгидай 
бошқаришга ҳаракат қилишади. Бу эса кўпинча янги оилаларга салбий таъсир 
кўрсатиб, ўртага совуқчилик тушишига сабаб бўлади.
Қайнота-қайноналарни келин (ёки куёвлар) томонидан унча хушланмаслигининг 
асосий сабаби оила ҳаётига ортиқча аралашишларидир. Эрининг катталар қўлида 
қўғирчоқ эканини кўрган келиннинг унга нисбатан бўлган хурмати ўз-ўзидан пасаяди. 
Аммо турмуш ишларида унча уқуви бўлмаган ёшларга йўл-йўриқлар кўрсатиш, 
маслаҳат бериш ҳам зарур. Бу маслаҳатларнинг меъёри, маълум бир чегараси бўлсагина 
ижобий натижага эришиш мумкин.
Чегара қандай бўлиши керак?
а. Катталар янги турмуш қурганларни зимдан текширишлари зарур.
б. Эҳтиёж туғилган пайтларда ёрдамни аямасликлари керак.
в. Келинларини ва куёвларини ўз болалари каби кўришлари керак. Шундай қилган 
тақдирларида келин ва куёвлар ҳам уларни ўз ота-оналаридай яхши кўришади. Хизмат 
ва итоат этишда камчиликка йўл қўймайдилар. Шу тариқа оила аъзолари бир 
вужуднинг аъзолари каби бир-бирларига боғланадилар, биргаликда ҳузур-ҳаловатда 
яшайдилар.
83

---

г. Келиб-кетишда меъёрдан ошмасликлар керак. Безор қилиш эмас, соғинтириш 
асосдир. Ҳазрати Пайғамбар (с.а.в.) шундай деганлар: "Сийрак зиёрат қилки, севгинг 
ортсин".
Оилани ҳимоя қилишда давлатнинг вазифалари
Турмуш қуриш қийинлашган, ғайри шаръий алоқалар кўпайган, ижтимоий алоқа 
заифлашган бир жамиятда давлат оилага эътиборни 
кучайтириши лозим. Оила ижтимоий суғурта даргоҳи эканлигини айтган эдик. Бу 
жиҳатдан оила давлатнинг асосий вазифаларидан бирини ўз зиммасига олган. Бир-
бирларига оила орқали боғланганлар ўзаро кўпроқ ёрдамлашмоқдалар. Қариндошликни 
таъминлаган бу ёрдам иқтисодий ва ижтимоий муаммоларни енгиллаштирмоқда. Оила 
қуришга даъват қилувчи ва қўллаб-қувватловчи амалиётлар давлат томонидан амалга 
оширилиши турмуш қурганлар ижтимоий ҳақлардан кўпроқ фойдаланишга имкон 
яратиши лозим.