Баҳтли оила 1 Кириш

Аёл зоти ичра Зайнабим – зарҳал,
Кўтарсам қўлларим қурисин дарҳол.
Бегуноҳ аёлни урмоқлик гуноҳ,
Зайнабим олқишга лойиқ – Ҳақ гувоҳ.
Аёллар ичида қуёшдек порлар,
Ўзгалар юлдузу бир уни чорлар.
Қуёшнинг олдида не бўпти юлдуз?!
У менга бахт берди кечаю-кундуз.
37

---

Зайнаб - хушхулқ, Зайнаб - вафодор,
Унга таёқ эмас, мадҳия даркор
1
.
Хулқ-атвори яхши аёллар ҳақида куйлаб, уларнинг исмларини китобга ёзадилар, 
шон-шарафга буркайдилар. Тарбиясиз, ёмон хотинлар эса ҳаётларида роҳат кўриб 
яшамаганлари етмагандай, ўлгандан кейин ҳам орқаларидан шундай гапиртирадилар.
Аҳли аёлнинг ёмони
Кишининг энг катта бахтсизликларидан бири, ёмон хотинга уйланишдир. Ана шу 
пайтда дунёда яшар экан, жаҳаннамга тушгандай бўлади. Хотинининг 
минғирлашларидан тўйиб кетган бир киши шу байтни айтибди:
Тек туриб, бир карра сўз айтса ногоҳ,
У дўзах эшигин очгандайин, оҳ!
Ёмон хотин эрларининг сочини эрта оқартиради, эрта қаритади.
Арабларнинг буюк олими Асмоий бир куни Каъбани тавоф қилаётиб қараса, бир 
киши орқасига кекса бир кимсани юклаб, унга: "кичиклигингда ҳам, катталигингда ҳам 
минг турли азоблар бердинг" деб зорланарди. Буни эшитган Асмоий:
- Дўстим, ҳурматда камчилик қилма. Унинг сенга кўп яхшиликлари теккан бўлиши 
керак, - деб унга танбеҳ берибди. 
- Сен буни менинг кимим деб ўйлаяпсан?
- Ё даданг, ё бувангдир. У киши бошини чайқаб:
- Йўқ, йўқ, - дебди. Бу менинг ўғлим.
Буни эшитган Асмоий қулоқларига ишонмай:
- ўғлингга нима бўлдики, у бу аҳволга тушди? - деб сўрабди.
Дардли ота шундай дебди:
- Хотинининг ёмонлиги уни шу аҳволга келтирди...
Бир киши муфтидан сўрабди:
1
Наргиза Раимова таржимаси.
38

---

- Муфти ҳазратлари, Жаннатдаги аёлларимиз кимлар бўлади?
- Дунёдаги аёлингиз билан жаннатда ҳам бирга яшайсизлар, 
дегач, унинг тепа сочи тикка бўлиб:
- Ундай бўлса, аёлим билан ажрашай. Бу дунёда азоб бергани етмагандай охиратда 
ҳам азоб чекаманми? - дебди. Табиийки, бу - ҳазил. Ёмон хотин осонликча жаннатга 
кириб, эри билан бирга бўла олмайди. Жаннатга киргандан кейин эса ёмон бўлмайди. 
Эрларига ҳаётни заҳар қилган аёлларгина бундай гапларга сабаб бўладилар. Аллоҳ 
бундай мусибат берувчи аёлларнинг ёмонликларидан сақласин. (Омин).