Bаrqаror rivojlаnish jаrаyonidа ishchi guruhlаrini samarali tashkil etish. Tadbirkorlik kapitali va moliya manbaalari

Moliya manbalari
Moliya manbalari quyidagilardan iborat boʼlishi mumkin:

1. 
   Xususiy kapital – xoʼjalik yurituvchi subʼekt aktivlarining barcha majburiyatlar chegirilganidan qolgan qismi, yaʼni korxona egalarining ushbu korxona aktivlaridagi ulushidir.
   

Xususiy kapital hisobining vazifalari:
- Xususiy kapitalning shakllanishi va unda tarkibiy hamda miqdoriy oʼzgarishlarga olib keladigan xoʼjalik muomalalarini nazorat qilish hamda buxgalteriya hisobida toʼgʼri aks ettirish;
- Xususiy kapitalning tarkibi boʼyicha aniq hisob maʼlumotlarini shakllantirish;
- Xususiy kapital bilan bogʼliq operatsiyalarni dastlabki va yigʼma hujjatlarda toʼgʼri rasmiylashtirish va hisobot tuzish.
2. Kredit – banklar va kredit muassasalari tomonidan maʼlum muddatga qaytarib berish sharti bilan foiz toʼlash yoki foizsiz tartibda garov evaziga beriladigan pul mablagʼlaridir.
Kredit shartnomasi boʼyicha bir tomon – bank yoki boshqa kredit tashkiloti (qarz beruvchi) shartnomada nazarda tutilgan miqdor va shartlar boʼyicha boshqa tomonga (qarz oluvchiga) mablagʼ (kredit) berishni va qarz oluvchi olingan pul miqdorini qaytarish va unga foizlar toʼlash majburiyatini oladi
Kreditning taʼminot turlari:

• 
  mol-mulkni yoki qimmatli qogʼozni garov sifatida qoʼyish;
  
• 
  bank yoki sugʼurta tashkiloti kafolatnomasi;
  
• 
  uchinchi shaxslarning kafilligi;
  
• 
  sugʼurta kompaniyasining qarz oluvchi kreditni qaytarmasligi xavfini sugʼurta qilish toʼgʼrisidagi sugʼurta polisi.
  
• 
  kredit hisobiga sotib olinadigan qiymatning 80 foizi miqdoridagi mol-mulk ham ushbu kredit boʼyicha garov predmeti boʼlib xizmat qilishi mumkin.
  
• 
  texnika va texnologiyalar.
  

Kredit olishda taqdim etiladigan hujjatlar toʼplami:

• 
  Аriza-buyurtmanoma
  
• 
  Taʼminot turlaridan biri
  
• 
  Biznes reja naqd pul oqimi koʼrsatilgan holda
  
• 
  Shartnoma
  
• 
  Buxgalteriya balansi nusxasi
  
• 
  Taʼsis hujjatlar nusxasi;
  
• 
  Joy orderi yoki ijara shartnomasi va boshqalar