Баҳром ирзаев туркистон жадидларининг

Саййид Али Хўжа
РОҲАТ ҚИЛАМАН ДЕГАН ЧОҒЛАРДА
Қўйсангизчи ваҳший дўллар, ёмғирлар,
Деразамни қитир-қитир тирнамай.
Уйимда ҳам роҳат қилиб яшолмай
Энди сиздан қайси жойга қочайин?
Хунук жоҳил совуқ
Қўпол эй, бўрон!
Нега мунча аччиғ қилиб
Эшигингни ёпасан.
Бу на зўрлик?!
Уйим вайрон этасен.
Темир қанот қушчаларни инидан
Оналарин бағрин эзиб, ҳар томонга отасен!...
Бахт кунинда қаро нурсиз, ай, соя
Кўз ачитиб рўбарўда турасен!
Қаронғулиқ, ғамлик кеча узун ку?!
www.ziyouz.com kutubxonasi

---

141
Кунимни ҳам бузуб расво этасен!
Қаронғулиқ, йўқлиқ дўсти, ай, ўлум!
Етар энди ҳамма жондор сенинг ку?!
Гўзал пари – нозик ҳаёт исига
Ҳар нафасда келиб уни қўрқитасен.
Маъшуқимни қучиб ўпган чоғимда
Ай, айрилиқ – апти расво, воҳима.
Муҳаббатдан теккан дилга суқилиб
Шодлиқ қонин заҳар-заққум этасен.
Алам андуҳ Дажжолининг оғзинда
Чайналғонда шодлиқ деган хабар йўқ...
Хурсанд бўлиб биргина кулган онда
Кўп кулмағил! Истиғфор айт!
Деюб тинмай шивирлаб
Хурсандликка кишан солиб
Зиндон аро элтасен...
Ай, табиат шундай бўлса оналиқ
Сутинг заҳар, ўзинг мурдор экансен!
Толиш
СЎРМА!...
Сўрма мендан иқбол надир, бахт надир?
Бу сўроғлар меним фикримча бўшдир.
Бутун умрим бўйи бахтни изладим
Ҳар одимда бахтсизликка учрадим
Унинг учун иқбол надир, бахт надир?
Ҳикматини, маъносини билмадим,
Бу тугунли сўроғларнинг ҳикматин
Бахтга тониш бўлғонлардан сўраб кўр.
Аҳмад Шукурий
www.ziyouz.com kutubxonasi

---

142
ТУШ
Оҳ... золимлар! Нима ёзди, сизга қарши у малак
Нега унинг қўлларини, сочларини кесасиз?
Унинг нозик вужудига тинмай қамчи урасиз.
Қўйсангизчи, ай, ваҳшийлар, қўйинг уни урмангиз
Қўйинг уни ўз ҳолига, қўйинг уни кесмангиз!
Оҳ... ёвузлар. Ана тағин уни тутиб бўғдилар
Ханжар билан чечак каби вужудини тилдилар
Нозик пари у ерда кўп типирлади, жон берди,
Кўк тангриси қучоғига, унинг руҳини олди,
Оппоқ, кумуш тусли бадан, қонлар ичида қолди.
ПАРЧА
Кўзингда ўйнашадир, билмадим нечун ёшлар?
Йўқ эрса, сенда алам денгизига тушдингми.
Қарашларинг нега мунча тўлиб тошиб йиғлар?
Йўқ эрса, сенда бу кирлик ҳаётга тўйдингми?