Баҳром ирзаев туркистон жадидларининг

КЕТГАНИНГДА
Кетдингми мангуга ташлаб,
Қолдимми қайғуларим
-
ла?
Ҳижроннинг куйини бошлаб
Йиғловчи чолғуларим
-
ла?
Севгимдан сўнгги малаклар
Тўп
-
тўғри кўкками учди?
Кўнглимдан тоза тилаклар
Ёвнингми бағрига тушди?
Ортиқ сен мендан узоқда
Кўзларни ўйнатасанми?
Ортиқ сен бошқа булоқда
Дилларни қайнатасанми?
www.ziyouz.com kutubxonasi

---

138
Ортиқ сен ундаги боғда...
Ортиқ мен якками қолдим?
Фарёд йўқ... барча жаҳон жим,
Ер ютса яхши шу чоқда!...
Кетдингми сен мени ташлаб?
Қолдимми қайғуларимла?
Чўлпон “Уйғониш”дан
ОВРУПО
Ақл – қуёш бу оламни ёритмиш,
Муҳаббатнинг тиниқ суви қуримиш,
Бул экинзор унуми битмиш,
Биёбонга айланмиш
Ақл! Келгил кўнгил бирла бирлашгил
Бу саҳронинг гулзориға чолишғил
Саййид Али Хўжа
ТИЛАК
Қаро кийган, қалам қошли, қаро кўз
Узун сочли, ўрта бўйли бир қизча
Ўйнаб-ўйнаб, уча-уча сайраган
Булбул каби келиб қўнди.
Ёвуз қишнинг тунгдирғувчи елиндан
Қотиб қолган йигитларни ўзининг
Сучук-сучук сўзи билан эритиб тургузди.
Ҳаммасини ўз изиндан юрғизди.
Менда кўпдан уюшуб қолган қўлимни
Тебратиб этагини тутай дедим.
Бироқ, у кўкка учди
Юлдузларга қўшилди.
www.ziyouz.com kutubxonasi

---

139
Мен эса қаноти йўқ қушлардек
Унинг нурли изига қараб қолдим термулуб.
Саттор. 1921.
ҲАЁТ
Шовқунли денгизда бўронлар ичра
Бир кема елпираб кетиб борадир.
Билмам нечун кемачи тошқунланиб
Узоқдаги атолларга боқадир.
Ҳар томондан келган кучли тўлқунлар
Кўтариб кемани кўкка ололар.
Ана! ... бир атолда бир қиз кўринди
Кемачининг шошқони маълум энди.
Қанча ойдан бери ондан айрилган
Айрилиқда қолган, уни соғинган.
Кемачи истайдир қизга айтмакни
Қизнинг қучоғига тез отилмакни.
Кемачи боқмайдир йўли устига
Тикилиб борадир ёлғиз ул қизга.
Бироқ, кема йўлда тошга урулди
Кема парчаланди, кемачи ўлди.
Аҳмад Шукурий
ЮРАК
Куйган ўртанган юрак
Яна куймак истайдир.
Ёниб пишиб ўрганган
Яна чўғни тусайдир.
Олов бўлиб нур соқган,
Қору музни эритган,
Совуқ танни иситган,
Замонларни истайдир.
www.ziyouz.com kutubxonasi

---

140
Олов бўлиб гуруллаб,
Шошиб, элиб, ғириллаб,
Қимирлашга талқинин
Зўрайтмоқни тилайдир.
Кул бўлсинда эзилсин,
Судралсинда босилсин,
Ҳар хил туёқ остида
Ўтмишинми эсласин...
Ёниб турган юракка
Бу хил ишлар ёқмайдир
Юрак чексиз ёнувни,
Ишқ ўтида куювни,
Маъшуқини ёндириб
Қучоғинда суювни
Мана буни хушлайдир...