Barcha dasturlash tillari kabi Python dasturlash tili ham rivojlanib, zamonga va talabga qarab ishlab chiqaruvchilar tomonidan o’zgarishlar kiritib borilmoqda

4. Algoritmning berilish usullari.
Algoritmni tasvirlash usullari bilan tanishib chiqaylik. Aslida algoritmni berilish usullari ko’p.
Biz ulardan eng ko’p ishlatiladiganlari bilan tanishib chiqamiz.
Algoritmni so’zlar orqali ifodalanishi. Bu usulda ijrochi uchun beriladigan har bir ko’rsatma jumlalar orqali buyruq mazmunida beriladi.
Masalan, qiymatlari haqiqiy sonlardan iborat bo’lgan ikkita a va v o’zgaruvchi berilgan. Uchinchi o’zgaruvchidan foydalanmagan holda bu o’zgaruvchilarning qiymatlarini almashtiring.
Masala echimi quyidagi buyruq ko’rinishidagi jumlalar orqali hal etiladi.
1. a ning qiymatini b ning qiymatiga qo’shib natija a o’zgaruvchi orqali ifodalansin;
2. a ning qiymatidan b ning qiymati ayrilib, natija b o’zgaruvchi orqali ifodalansin;
3. a ning qiymatidan b ning qiymati ayrilib, natija a o’zgaruvchi orqali ifodalansin.
Natijada uchinchi o’zgaruvchidan foydalanilmagan holda a va b o’zgaruvchilarning qiymatlari almashadi. Tekshirib ko’ring.


Algoritmning formulalar orqali berilishi. Algoritm matematik formulalar tizimi orqali berilishi mumkin. Odatda bu usuldan matematika, fizika, kimyo kabi aniq fanlarni o’rganishda ko’plab foydalanamiz.
Masalan, y=a*(b+c*x)-d*x formula bo’yicha hisoblash algoritmi bilan tanishib chiqamiz.
1. R1=c*x
2. R2=b+R1
3. R3=a*R2
4. R4=d*x
5. Y=R3-R4.
Keltirilgan algoritm a, b, c, x va d larning ixtiyoriy qiymatlari uchun o’rinli.
Algoritmning jadval ko’rinishda berilishi. Algoritm bu turidan ham ko’p foydalanamiz. To’rt xonali matematik jadval, funksiyani jadval ko’rinishda berilishi bunga misol bo’ladi.
Algoritmning dastur shaklida ifodalanishi. Berilgan masala algoritmi dasturlash tillarining birida ifodalanishi mumkin. Algoritmning bunday ifodalanishi bilan kitobimizning keyingi qismlarida batafsil tanishamiz.