Baliq kasalliklari fanidan ma’ruzalar to’plami termiz- 2021

Antitelo reaktsiyalari turlari. Kasallik qo’zg’atuvchilarining qon tarkibida erishi lizis (grek tilida «lizis» – erish) deb nomlanadi. Bu ko’rinishdagi qonning lizisga olib keluvchi, ya’ni litik ta’siri organizmda kasallik qo’zg’atuvchilariga qarshi kurashish xususiyati mexanizmlaridan biri hisoblanadi. Lizis jarayoni shuningdek qon tarkibiga tushuvchi begona oqsil moddalari sharoitida xam qayd qilinadi.

Ayrim holatlarda organizmda patogen mikroorganizmlar bilan kurashishda boshqa usullardan xam foydalaniladi. Masalan, qon tarkibiga tushuvchi patogen bakteriyalar pachka holatida yopishish xosil qiladi. Bu hodisa agglyutinatsiya deb ataladi. Begona oqsillar ta’sirida antitelo xosil bo’lishi natijasida cho’kma tushishi hodisasi pretsipitatsiya deb nomlanadi. Agglyutinatsiya va pretsipitatsiyaga uchragan mikroorganizmlar bir butunligini yo’qotadi va oqibatda nobud bo’ladi.