Baliq kasalliklari fanidan ma’ruzalar to’plami termiz- 2021

2. MAVZU: BALIQ KASALLIKLARINING MUAMMOLARI
Режа

1. 
   Baliq kasalliklarining muammolari va parazit tushunchasi.
   
2. 
   Parazitlarning baliqlar organizmiga joylashishi.
   
3. 
   Parazitning uni o’rab turgan atrof muhit bilan aloqasi.
   
4. 
   Parazitlarning rivojlanish tsikllari.
   
5. 
   Parazitlarning xo’jayin organizmiga ta’siri.
   
6. 
   Kasallikka tashxis qo’yish jarayoni tartibi.
   
7. 
   Kasalliklarga qarshi kurash.
   
8. 
   Immunitet.
   

Tayanch iboralar: parazit, immunitet, rivojlanish tsikli, opsonin
Baliq kasalliklarining muammolari. Baliq kasalliklarining muammolari bir nechta. Buning uchun dastlab kasalikni keltirib chiqaruvchi sabablarni bilish kerak. Kasallikni qo’zg’atuvchi parazit organizmlar xususiyatlarini bilish talab etiladi.

«Parazit» tushunchasi. «Parazit» atamasi zamonaviy ilmiy adabiyotlarda hozirgi kunga qadar aniq izohlanishga ega emas. Bu xususda barcha tadqiqotchilar turli xilda fikr bildirishgan.

V.A.Dogelь (1962) tomonidan «parazit» tushunchasiga quyidagicha ta’rif berilgan: «Parazitlar – bu ushbu ko’rinishdagi organizmlar hisoblanadiki, bunda ular yashash muhiti sifatida va shuningdek ozuqa sifatida boshqa turdagi organizmlardan foydalanishadi, parazitlar o’z yashash muhiti bilan munosabatlarini idora qilish maqsadlarida o’z xo’jayinlariga qisman yoki butunlay bog’liq holatda bo’lishi kuzatiladi».

Parazitlarning yashash muhiti odatda tirik organizmlar hisoblanadi. Bu yashash muhitining o’ziga xos xususiyati xo’jayin organizm yashovchi tashqi muhitdan keskin farq qilib, shu sababli parazitologiya fani alohida soha sifatida ajratib o’rganiladi.

Baliqlar parazitlari juda xilma – xil hisoblanadi. Ulardan eng yirigi – bu tasmasimon chuvalchanglar (Ligula) hisoblanib, uning uzunligi bir necha metrga yetishi qayd qilingan. Ayrim parazit turlari kasallik qo’zg’atuvchilari sifatida o’lchamlari juda kichik bo’lib (filьtrlanuvchi viruslar), biologik mikroskop yordamidagina ularni kuzatish imkoniyati mavjud.