Bakteriyalar keltirib chiqaradigan biozararlanishdan himoyalanish usullari”

Tuproq mikroflorasi. Tuproq tarkibida oziq moddalar, namlik va havo yetarli darajada bo’lsa, mikroorgaiizmlarning rivojlanishi uchun eng qulay muhit (substrat) hisoblanadi. Urta hisob bilan 1 g tuproqda 2,5—5 milliardgacha mikroorganizmlar bo’ladi. 30 sm li 1 gektar haydaladigan tuproq tarkibidagi mikroblar massasi 3—5 t ga etib qoladi.
Tuproqqa tushgan o’simlik va hayvon qoldiqlari hisobiga mikroorganizmlar o’z hayot faoliyatini davom ettirib, misli ko’rilmagan darajada kopayib tuproq zarrachalari orasida to’planadi.
Tuproq zarrachalari tomonidan mikroblarning yutilib qolganligi sababli tuproqning yuza qismida mikroblar ko’p bo’lib, pastga tushgan sari ularning soni kamaya boradi(4-jadval).
Tuproqning genetik zonalari bo’yicha bakteriyalar miqdori (1 g tuproqda, million hisobida, S. Razumov va I. Remizov ma’lumoti).
4-jadval

Tuproq turi	1 g tuproq tarkibidagi bakteriyalar soni
Torfli-botqoq tuproq	707 000 000
Suv bosgan o’tloq tuproq	549 000 000
Loyli podzol tuproq	852000 000
Ormon- podzol tuproq	2 246 000 000
Ekin ekib kelinayotgan bo’z tuproq	1 622 000 000
Sugoriladigan bo’z tuproq	1 830 000 000
Qora tuproq	1 930 000 000
Janubiy qora tuproq	3 500 000 000
Tomorqa tuproqlari	5 286 000 000

O’simliklar ildizidan ajratgan organik kislotalar, vi­taminlar va anorganik moddalar tuproqdagi mikroorganizmlar hayot faoliyatiga kuchli ta’sir qiladi, Ba’zi mikroblarga bu moddalar ijobiy ta’sir qilganligidan, ular ildiz atrofiga to’planib, simbioz hayot kechira boshlaydi. Bakteriyalardan hosil bo’lgan to’plam rizosfera deb ata­ladi.

Tuproq strukturasini yaxshilashda, o’simlik va hayvon qoldiqlarini chiritishda, gumus hosil qilishda va osimliklar uchun zaruriy oziq moddalarni yetkazib berishda tuproqdag`i mikroorganizmlarning xizmati juda katta. Tuproqdagi mikroorganizmlar xilma-xil bo’lishi tufayli ular bir-biri bilan simbioz yoki antogonistik hayot kechiradi. Tuproqda ham insonlar, hayvonlar va osimliklar uchun. zararli mikroblar juda ko’p.