25
қажет. Мөлшерлердің арасындағы байланысты өрнектеу үшін математикада
символадар қолданылады. Міне осы математикалық тіл дамуы тиіс.
Оқытушының міндеті символ тілінде өрнектелген математикалық пікірді ана
тіліне көшіруге үйретуден тұруы керек.
Білуге ұмтылу, өзіндік жұмыстан қанағаттану сезімдерін тәрбиелеу
қажет. Математика пәнін оқытудың өзі оқушыларда пікірді топтай азайтуды
тәрбиелейді.
Оқытушы төмендегілерді қамтамасыз ету қажет:
а) оқушы материалдық әлемдегі байланыстарды, мөлшер өзгеруінің бір-
бірімен қатынасын анықтап алуы;
б) оқушылардың математиканы үйренуге күшті қызығуын қамтамасыз
ету;
в) еңбекке, Отанға, адамдарға деген қарым-қатынасын тәрбиелеу,
эстетикалық талғамды пайда ету;
г) ұлтының тарихы, математиканың оқытылуы
тарихына деген
дүниетанымды тәрбиелеу;
д) оқушылардың пікірлеу қабілетін және математикалық мәдениетін
тәрбиелеу.
3. Практикалық дамытушы мақсат. Математиканы оқытудың
практикалық мақсаты — оқушылар алған білімдерін практикада қолдана
алуға үйретуден тұрады. Меңгерген білімді сандар мен математикалық
өрнектер, әртүрлі мәселелерді шешуде пайдалана білуге үйрету. Бұл білімді
күнделікті тұрмыста кездесетін мәселелрді шешуде қолдана білуді үйрету.
Оқыту методының түсінігі дидактика және методиканың негізгі
түсініктерінің бірі болып табылады.
Сөйтіп оқыту методтары меңгеру, тәрбиелеу және дамыту сияқты негізгі
үш міндетті атқарады.
Оқытудың методтарынан, білімнің жаңа мазмұнына, жаңа міндеттерге
сай келетіндеріне саналы түрде таңдап алу үшін алдымен барлық оқыту
методтарын классификациялауды үйрену қажет.
1. Ғылыми-зерттеу методтары туралы мәлімет
Педагогикалық тәрбиелеуге тиісті жұмыс тәжірибелерін үйренбей және
жалпыламай, педагогикалық прцесті терең зерттемей тұрып педагогиканы
дамытып болмайды. Қазіргі тәлім-тәрбие педагогиканы ғылыми тұрғыдан
білудің жалпы методымен қаруландырады. Бірақ басқа кез келген пән сияқты
педагогика пәнінің де жеке зерттеу методтары бар.
Ғылыми-зерттеу методтары — бұл заңды байланыстарды, қатынастарды
орнату және ғылыми теорияларды түзу мақсатында ғылыми ақпараттарды
алу тәсілі болып табылады. Бақылау, тәжірибе, мектеп құжаттарымен
танысу, үйрену, сұхбат және анкеталар өткізу, ғылыми педагогикалық
зерттеу методтарының құрамына кіреді. Кейінгі кезде математиткалық және
кибернетикалық методтарын, сондай-ақ
моделдеу методын пайдалану
енгізілуде.
Бастауыш математикасын оқыту методикасында бүкіл педапгогикалық
зерттеулерде қолданылатын методтардың өзінен пайдаланады.