Б. Т. Тошмухамедов ўзбекистон Республикаси Олий ва ўрта

Гряувяккалар қорамтир, яшил-қўнғир ва яшил-кул­
ранг жинслар бўлиб, одатда зич цементланган. Бу жинслар ўта асос жинсларнинг бўлакларидан иборат. Цементнинг таркиби жуда майдаланган плегоклаз ва рангдор минераллардан иборат.
Алевритлар ва алевролитлар. Псаммитлар группаси ва пелитлар билан бир қанча оралиқ жинслар - алеврит ва алевролитлар орқали боғлангандир. Алевритларга лёсс (соф тупроқ), лёссимон қумоқ тупроқ, баъзи бир хил қумли тупроқ, қумоқ тупроқлар ва бошқа қумгилли жинсларни кўрсатиш мумкин. Бу жинс­ларнинг ҳаммаси бўшоқ чочиқ бўлади. Алевритларга нисбатан алевролитлар цементланган бўлади. Уларга “чангсимон” ёки “алеврит” (диаметри 0,1-0,01 мм) доналари­дан иборат бўлган майин донали ва механик таркибига кура қум ва гил доначаларининг аралашмасидан иборат бўлган алевролитларни кўрсатиш мумкин.
Гилли тоғ жинслари (пелитлар). Физик майдаланиш ва кимёвий парчаланиш жараёнида тоғ жинслари ва минералларнинг 0,01 мм дан ҳам кичик зарраларга майдаланиб кетиши натижасида коллоидлардан юзага келадиган ва пелитлар деб аталадиган жуда катта жинслар группаси ҳосил бўлади.
Пелитлар ўзларининг бир қатор асосий хусусиятларига кўра синиқ бўлакли жинслардан ҳам, асл кимёвий чўкиндилардан ҳам кескин фарқ қилади.
Пелитларнинг хоссалари эритмада жуда майин 1-200 милли микрон атрофида бўладиган коллоид заррачаларга боғлиқ. Бундай заррачалар чўкмайди. Сусенлашган эритмалар тўғрисида ҳам шундай деб айтиш мумкин.
Умуман, бир эритмадаги бир хил моддада заррачаларнинг электр заряди бир хил бўлади. Чўкиндиларнинг ҳосил бўлиши учун коллоид ва суспензиялашган заррачалар электр зарядини йўқотиб, бирмунча йирик дона ҳосил қилиб, бир-бирига ёпиша олиш хусусиятини касб этиши керак. Бундай ҳодиса коллоид эритма заррачаларининг электр зарядлари қарама-қарши бўлган бошқа эритма билан учрашганда кузатилиши мумкин. Масалан, дарёдан денгизга темир оксидли эритма ёки гилли моддаларнинг суспензияси оқиб келаётган бўлса ва улар денгиз сувида эриган натрий хлорид билан учрашса денгиз тубига чўка бошлайди, яъни каогуляция содир бўлади.
Бир-бирига ёпишган ва чўкиб тушган коллоид заррачалар, асосан гилли (пелит) жинсларни ҳосил қилади. Гилли жинслар орасида қолдиқ гиллар ва келтирилган ёки асл гиллар бўлади.