Б. Т. Тошмухамедов ўзбекистон Республикаси Олий ва ўрта

Псевдохроматизм (қалбаки). Айрим шаффоф минераллар товланиб туради; бу уланиш текислиги дарзларининг ички юзасидан ёки қандайдир аралашмалар юзасидан тушаётган нурнинг қайтиши- интерференцияси билан боғлиқ. Масалан, лабродорит кўк ва яшил рангда, опал эса садафдек товланиб туради. Бунга сабаб минерал юзасининг бошқа хил таркибдаги майин минераллардан ташкил топган пўстларнинг бўлишидир. Масалан, қўнгир темир тошнинг буйраксимон юзаси, борнит (СuFеS₄) ва бошқа минераллар. Минераллар сиртининг бундай ранг-баранг товланувчи пўстларининг ҳолати минералларнинг товланувчанлиги деб айтилади.
Минерал чизиғининг ранги (майин кукун ҳолидаги минералнинг ранги). Бундай кукун текширилаётган минерал билан бисквит (чинни, сирланмаган) тахтачага чизиб осонликча олиниши мумкин. Чиннидаги минерал кукуни ўзига хос муайян чизиқ-из шаклида ҳосил қилинади. Кўпинча минералнинг ранги чизиғининг ранги билан бир хил бўлади. Масалан, киноварнинг ўзи ҳам, чизиғи (кукуни) ҳам қизил, магнетитники қора, лазуритники кўк ва ҳоказо. Масалан, гематитнинг ранги-кулранг ёки қора, чизиғи эса қизил, пиритники жез-сариқ, чизиғи эса қорадир.
Шаффоф ёки яримшаффоф минералларнинг чизиғи рангсиз (оқ) ёки оч рангда бўлади.
Амалда минераллар ранги турмушда яхши таниш бўлган нарсаларнинг рангига солиштириш билан аниқланади, масалан, сутдек оқ, сомондек сариқ ва ҳоказо.
Металл каби ялтирайдиган минералларнинг рангини аниқлаш учун шу минерал номига тегишли тусдаги металлнинг номи қўшиб айтилади: қалайдек оқ, қўрғошиндек кулранг, жездек сариқ, мисдек қизил ва ҳоказо.

Расм 14. Пирит.

Минералларнинг солиштирма оғирлиги
жадвал 8.

Группалар	Минераллар	Солиштирма оғирлик
Енгил (2,5 гача)	Нефть, смола, кумир, олтингугурт, гипс, ош тузи	0,5-1,5 2,0-2,5
Ўртача (4 гача)	Кальцит, кварц, дала шпатлари, слюдалар, доломит. Амфиболлар, пироксенлар, лимонит, флюорит, гранат, топаз, корунд	2,5-3,0 3.0-4,0
Оғир (4 дан юқори)	Барит (оғир шпат), маъданли минераллар; темир, кумуш ва қўрғошин Соф металлар, маъдан (мис, олтин, платина) ва бошқалар	4,5 6,5 8,0 8-23.0