Б. Т. Тошмухамедов ўзбекистон Республикаси Олий ва ўрта

Кўл сувининг химизми. Кўл сувида турли миқдорда хилма-хил эрувчан моддалар бўлади. Бу моддаларнинг таркиби ва миқдори кўл сувининг сифатини белгилайди.
Ep юзидаги барча кўллар сувининг шўрланганлиги даражасига қараб тўрт типга бўлинади: 1) чучук кўллар (шўрлиги 0-1 %); 2) салгина шўр кўллар (шўрлиги 1% дан 24,7% гача); 3) шўр кўллар (шўрлиги 24,7% дан то 47% гача); 4) минерал кўллар (шўрлиги 47% дан ортиқ).
Кўл сувидаги тузлар таркибига кўра ҳам хилма-хилдир. Чунончи, чучук кўлларда асосан карбонат тузлари бўлади. Шўр кўлларда хлоридлар (NaCl, MgCl₂) ҳамда сульфат тузлари (Na₂SO₄, MgSO₄) устун туради. Шўр кўлларга Эльтон, Босқунчоқ кўллари, Ўлик денгиз ва Катта шўр кўл мисол бўла олади.
Содали кўлларда асосан натрий Kapбонат (Mg₂CO₃) тузлари учрайди. Ван кўли ва Ғарбий Сибир ҳамда Забайкальедаги баъзи кўллар содали кўллардир. Бор тузли кўллар Тибет тоғлигида, АҚШ нинг Калифорния ва Невада штатларида бор. Қуйида айрим кўлларнинг шўрлиги (% ҳисобида) берилган.

1. 
   Иссиқ кўл ............................................................3,6-6,7
   
2. 
   Орол денгиз-кўли .................................................10,4-12,9
   
3. 
   Каспий денгиз-кўли ...............................................13-14
   
4. 
   Илецк кўли ........................................................155,2
   

5. Ўлик кўл .................................................................204,3-278,1

6. 
   Эльтон кўли .....................................................255,6-291,3
   
7. 
   Гюскундак (Араратда) ......................................368
   

Кўлларнинг геологик иши


Кўл суви тўлқинлари кўл қирғоғини емиради. Кўл қирғоғидан емирилган жинслар чўкиб, кўл тагида тўплана боради. Бу чўкиндилар механик ва кимёвий бўлади; кимёвий чўкинди сув оқиб чиқмайдиган кўлларда ҳосил бўлади, чунки сув оқиб чиқадиган кўлларда бу хил чўкиндилар сув билан оқиб кетади.