Б. Сапаров ф а л с а ф а

Хусусий муаммолар 
давлат фаолиятининг муайян жабҳасига, айрим 
аҳоли яшайдиган пунктларга ѐки кичик табиий объектларга тегишли бўлган 
муаммолардир.
Булар, одатда, турли авариялар, носозликлар натижасида 
юзага келадиган ҳар хил муаммолар, маҳаллий ижтимоий конфликтлар ва 
ш.к.
Маҳаллий муаммолар 
тушунчаси юқорироқ даражадаги муаммоларга, 
аниқроқ айтганда, айрим мамлакатларга ѐки йирик мамлакатларнинг анча 
катта ҳудудларига тегишли бўлган муаммоларга нисбатан татбиқ 
этилади.
Бу ерда одатда кучли зилзилалар, йирик сув тошқинлари ѐки, 
масалан, кичик давлатдаги фуқаролар уруши назарда тутилади.
 
Глобал муаммоларнинг 
классификацияси.

---

158 
Миллий муаммолар 
тушунчаси ижтимоий-сиѐсий ва илмий муомалада 
баъзан муайян давлат ѐки миллий ҳамжамиятнинг маълум қийинчиликлари, 
ғам-ташвишларини акс эттиради. Миқѐс даражасига қараб улар 
минтақавий ѐки маҳаллий муаммолар сифатида талқин қилиниши мумкин.
Минтақавий муаммолар
айрим қитъалар, дунѐнинг йирик ижтимоий-
иқтисодий ҳудудлари ѐки анча йирик давлатларда юзага келадиган муҳим 
масалалар доирасини қамраб олади
. Бундай муаммоларга Шарқий 
Европанинг бир неча мамлакатлари ҳудуди радиоактив заҳарланишига олиб 
келган Чернобил фожиаси ѐки бир қатор давлатларни қамраб олувчи анча 
катта ҳудудларда юз берган иқлим ўзгаришлари мисол бўлиши мумкин. 
Масалан, 1968 йилда Сахел минтақасида юз берган қурғоқчилик «аср 
фалокати» деган ном олди. У Африка қитъасининг 18 давлатини қамраб 
олди, бунда очарчилик натижасида 250 мингдан кўпроқ одам ҳалок бўлди, 
тахминан 18 миллион бош қорамол нобуд бўлди, хавфли касалликларнинг 
эпидемиялари юзага келди, бу улкан минтақа ҳудуди эса деярли тўла саҳрога 
айланди.