B. S. Usmanov konservalash texnologiyasi asoslari

Qo„zoqli qalampir
. Bu issiqsevar ekin mamlakatimizning janubida 
yetishtiriladi. Tarkibida kapsaisinlar qanchaligiga (achchiqlik darajasiga) qarab 
qalampir chuchuk va achchiq bo‗ladi. 
Chuchuk qalampir tarkibida qand (4 %), fosfor tuzlari, ko‗plab S vitamini 
(qora smorodinada ham shuncha), R vitamin, karotin bor. Ko‗k rangli va pishib 
etilgan (sariq va qizil rangli) chuchuk qalampir salatga, qiymaga, sho‗rvaga 
solinadigan ziravor tariqasida ishlatiladi. 
Chuchuk qalampir yangi, toza, sog‗lom, bandli, xuddi shu botanik navga, 
shakli va rangi jihatidan mos keladigan, salgina achchig‗i bor, chuchukroq bo‗lishi 
kerak. eng katta ko‗ndalang kesimidagi diametri uzunchoqrog‗idan 6 sm dan, 
dumaloqrog‗idan 4 sm dan kam bo‗lmasligi kerak. 
Achchiq qalampir tarkibida 4,5-8 % qand, S vitamini (chuchugidan ikki 
barobar ortiq) bor. Qalampirning achchiq ta‘mi kapsaisin alkoloidi borligidandir. 
Yangiligicha va quritib, ziravor sifatida hamda konserva qilishda ishlatiladi. 
Achchiq qalampir yangi, toza, sog‗lom, pishib etilgan, bandli, ta‘mi achchiq 
bo‗lishi kerak. 

---

46 
Qovoq.
Xo‗raki qovoq tarkibida qand - 4,5 %, oqsil -1 %, mineral moddalar 
-0,6 %, karotin, S vitamini, pektinli moddalar bor. Qovoqdan pyureli sho‗rva, 
bo‗tqa, kotlet, shinni, pastila, qiyom, sharbat va xokazolar tayyorlash mumkin. 
Kabachki.
Shakli uzunchoq, rangi sutsimon oq, eti mayin yumshoq bo‗ladi. 
Ovqat tarzida ikra qilinadigan, qiymalanadigan, dimlanadigan va qovuriladigan 
g‗o‗ra kabachki ishlatiladi. eng ko‗p tarqalgan navlari: Grecheskiy, Odesskiy, 
Gribovskie. 
Standart kabachki yangi, sog‗lom, eti zich, bo‗shliq joylari yo‗q, urug‗i 
pishib etilmagan bo‗lishi kerak. eng katta ko‗ndalang diametri bo‗ylab kattaligi 10 
sm dan ortiq bo‗lmasligi kerak. 
Patissonlar.
To‗p o‗sadigan qovoqning bunday turi chetlari kungara talinka 
shaklida, rangi esa susimon oq bo‗ladi. Yosh patissonlarning ta‘mi salgina 
karsillab turadigan yoqimli bo‗ladi, ular suvda pishirilgan, qovurilgan yoki 
marindalangan holda iste‘mol qilinadi.