B. S. Usmanov konservalash texnologiyasi asoslari

Xom ashyoni tayyorlash
.
Meva va sabzavot navlanadi, yuviladi, 
inspektsiyalanadi va suv ostida chayiladi. Bu operasiyalar boshqa turdagi konserva 
ishlab chiqarishdagidek amalga oshiriladi.
Kartoshkaning po‗stlog‗i olinadi va aylana yoki to‗rt burchak shaklida 
maydalanadi. Ildiz meva hamda piyoz tozalanadi va kesiladi. Birinchi tushlik 

---

163 
ovqatlar uchun sabzi dastlab bug‗da blanshirlanadi. Smetanali sousda konservalash 
uchun kesilgan sabzi eritilgan mol yog‗ida qand qo‗shib dimlanadi.
Kabachoklarning dumi va po‗stlog‗i kesib olinadi va maydalab to‗g‗raladi. 
Qovoqning urug‗i va ichki pardasi olinadi hamda bo‗laklarga bo‗linadi.
Rangli karamning o‗zak va tashqi barglari olinadi, yashil no‗xatning 
qo‗zog‗i ajratiladi.
Lavlagi 25-30 daqiqa davomida 120°C temperaturada qaynatiladi, 
po‗stlog‗idan tozalanadi va volchokda maydalanadi. 
Go‗sht tanalari osilgan holda qonlari yuviladi. Go‗sht suyakdan ajratiladi, 
pay va yirik tomirlari olinadi, 50-100 g li bo‗laklarga bo‗linadi, so‗ngra panjara 
teshiklarining diametri 4-5 mm li volchokda maydalanadi. Jigar tarkibidan tomirlar 
olinadi, 2 soat davomida sovuq suvda ivitiladi, 150-200 g li bo‗laklarga kesiladi va 
blanshirlanadi.
Tovuq tanasiga olovda ishlov beriladi, qorni yorilib, ichki qismlari olinadi, 
yuviladi, oyoq va qanotlari hamda bosh va bo‗yni kesib olinadi, so‗ngra 
maydalangan tovuq qismlari 30-60 daqiqa qaynatiladi. So‗ng lahm ajratiladi, 
volchokda maydalanadi va farsh olinadi. Farshga qaynatilgan sabzavot qo‗shiladi 
va ishqalash mashinasida maydalanadi. Qand, un, tuz, gurunch magnitli 
separatordan o‗tkaziladi. So‗ng gurunch tozalanadi, inspeksiyalanadi, yuviladi va 
suvda pishiriladi. Un elanadi hamda quritiladi. Qand bilan tuz qaynayotgan suvda 
eritiladi, eritma esa filtrlanadi. Sut filtrlanadi va isitiladi. Sariyog‗ eritiladi hamda 
filtrlanadi. Manniy yormasi elanadi va magnit separatoridan o‗tkaziladi, tomat-
pasta finishordan o‗tkaziladi, quruq moddalari konsentratsiyasi 12 % bo‗lguncha 
suv qo‗shiladi. Tayyorlangan xom ashyo qaynatiladi, ishqalanadi, tarkibiy 
komponentlari bilan aralashtiriladi, gomogenizasiyalanadi, deaerasiyalanadi, 
qadoqlanadi, banka og‗zi berkitiladi, sterilizasiyalanadi va sovitiladi.