B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

TARZ HOLI (RAVISH HOLI) Ish-harakatning qay tarzda bajarilishini bildiruvchi hol: Otabek shoshib tokchadan xitoyi norin tovoqni oldi. (A. Qodiriy)
TARZ RAVISHI Ish-harakatning bajarilish usulini, qay tarzda yuz berishini bil­diruvchi ravish: birdan, asta, toʻsatdan kabi: Ammo do‘stingdan yaqin bir oda­mingdan to‘satdan shun­­­­­­­­­­­­­­­­­­­­­­­­day gap eshitish menga albatta og‘ir. (P. Tursun)
TASHQI FAKTORLAR – ayn. Nolisoniy omillar.
TASHQI NUTQ Haqiqiy ma’nodagi nutq, ya’ni tovush ifodasiga ega boʻlgan nutq.
TAVSIFIY FONETIKA Tilning tovush tomonini tavsifiy planda oʻrga­nuvchi fonetika.
TAVSIFIY GRAMMATIKA Grammatik hodisalarni – soʻz shakli, ma’no­si va boshqa grammatik birliklarni tavsiflovchi grammatika.
TAVSIFIY LEKSIKOLOGIYA Soʻzning ma’nosi, uslubiy tavsifi, lugʻat tar­ki­bining hajm va tuzilishi kabi masalalarni tavsifiy plaida oʻrganuvchi leksi­kologiya.
TAVSIFIY LINGVISTIKA Tilning holatini tavsifiy planda oʻrganuvchi ling­vistika.
TAVTOLOGIYA (yun. tavtologiye + 1ogos – soʻz) Bir fikr (mazmun)ni boshqa soʻz yoki soʻzlar bilan takroran ortiqcha ifodalash, soʻzni ortiqcha ishla­tish. Masa­lan, gapirmoq oʻrnida gap gapirmoq, tepmoq oʻrnida oyoq bilan tepmoq deb qoʻllash tavtologiya hisoblanadi, chunki gap, oyoq bilan qismlari yangi informatsiya bermaydi (gapirmoq, tepmoq soʻzlarndagi informatsiyani tak­ror­laydi).