B abdullayeva, M. Usmonbayeva, O’. Asqarova, F. Ehsonova, S. Hakimov

 
Davlat  ramzlari 
–  muayyan  millat,  elatning  etnopsixologik  xususiyatlari, 
qarashlari,  orzu-umidlari,  intilishlari,  ijtimoiy  maqsadi,  hududiy,  ijtimoiy-g’oyaviy 
birligi  mohiyatini  anglatishga  xizmat  qiladigan  tasviriy  belgilar.  Ma’lum  davlatning 
bayrog’i,  gerbi  (tamg’asi),  madhiyasi,  davlat  boshlig’i,  davlat  muhri,  davlat  shiori 
davlat  ramzlari  sanalib,  ular  davlat  Konstitutsiyasiga  muvofiq  belgilanadi.  Davlat 
ramzlarini  o’rnatish  tartibi  esa  maxsus  Qonun  yoki  umumdavlat  ahamiyatiga  ega 
qonunchilik  hujjati  bilan  aniqlanadi.  Har  bir  davlat  o’zining  davlat  ramzlariga  ega 
bo’lish huquqiga ega. Davlat ramzlari o’zlarida chuqur siyosiy va ijtimoiy-g’oyaviy 
mazmunni ifoda etadi. Davlat ramzlari (bayroq, gerb)da tasvirlangan ranglar, tasvirlar 
muayyan  xalq,  millat  o’tmishi,  qadim  an’analari,  xalqning  turmush  tarzi,  orzu-
umidlari,  maqsadi,  hayotiy  intilishlarini  ifoda  etishga  xizmat  qiladi.  Davlat 
madhiyasida  esa  xalq,  millat,  davlat,  jamiyatning  yagona  maqsadi,  birligi  g’oyalari 
ifoda etiladi. Davlat ramzlari davlatning mavjudligini ko’rsatuvchi belgilardir. Davlat 
ramzlaridan  foydalanish  tartibini  buzish,  shuningdek,  ularga  hurmatsizlik  bilan 
munosabatda  bo’lish  holatlariga  nisbatan  ma’muriy  yoki  jinoiy  javobgarlik 
belgilanadi.