B abdullayeva, M. Usmonbayeva, O’. Asqarova, F. Ehsonova, S. Hakimov

 
Davlat  attestatsiyasi 
–  uzluksiz  ta’lim  tizimining  muayyan  bosqichi  (umumiy 
ta’lim maktabi, o’rta maxsus kasb-hunar ta’limi muassasalari, oliy o’quv yurtlari)da 
umumiy  ta’lim  davri  tugagach,  o’quvchi  (talabalar)ning  bilim,  ko’nikma  va 
malakalari  darajasini  aniqlash  maqsadida  tashkil  etiladigan  imtihon,  sinov  shakli. 
O’quvchi (talaba)lar davlat attestatsiyasi natijalariga ko’ra ma’lum bosqichda tegishli 
ta’lim  dasturlarini  o’zlashtirganlik,  muayyan  kasb-hunar,  ixtisoslik  yo’nalishida 
ma’lumot  (umumiy  o’rta,  umumiy  o’rta  maxsus  va  oliy  ma’lumot)ga  egalik 
to’g’risidagi davlat namunasidagi hujjat (attestat, diplom)ga ega bo’ladi. 
Umumiy  ta’lim  dasturlarini  DTS  doirasida  mustaqil  o’zlashtirgan  o’quvchi 
(talaba)larga  O’zbekiston  Respublikasi  Xalq  ta’limi  vazirligi,  Oliy  va  o’rta  maxsus 
ta’lim vazirligi tomonidan tasdiqlangan Eksternat to’g’risida nizom asosida, eksternat 
tartibida  attestatsiyadan  o’tish  huquqi  beriladi.  O’quvchi  (talaba)lar  tibbiyot 
komissiyasi,  ta’lim  muassasasi  Pedagogika  (yoki  kengashi  (Ilmiy  kengash)ning 
xulosasi  asosida  yakuniy  attestatsiyadan ozod etilishi  mumkin. Attestatsiyadan  ozod 
bo’lish  huquqini  beruvchi  kasalliklar  ro’yxati  Xalq  ta’limi  vazirligi  va  Sog’liqni 
saqlash  vazirligi  tomonidan  belgilanadi.  Yakuniy  attestatsiyaning  belgilangan 
tartibidan  istisnolar  O’zbekiston  Respublikasi  Xalq  ta’limi  vazirligi,  Oliy  va  o’rta 
maxsus ta’lim vazirligi tomonidan belgilanadi. 
Ta’lim  muassasasining  bitiruvchilariga  davlat  attestatsiyasi  natijalari,  o’quvchi 
(talaba)ning  reytingi,  ta’lim  fanlari  ro’yxati,  ular  bo’yicha  dars  soatlari  soni  va 
baholar  ko’rsatilgan  holda  davlat  namunasidagi  attestat  (diplom),  alohida 
muvaffaqiyatlarga  erishganlarga  esa  Imtiyozli  attestat  (Imtiyozli  diplom)  beriladi. 
Imtiyozli attestat (imtiyozli diplom) 5-9-sinf (I-IV (I-V) bosqich)larda ta’lim davrida 
o’zlashtirish (reyting) bo’yicha faqat a’lo ko’rsatkichlarga ega bo’lgan bitiruvchilarga 
beriladi.