B abdullayeva, M. Usmonbayeva, O’. Asqarova, F. Ehsonova, S. Hakimov

 
Davlat  imtihoni
  –  amaldorlik  lavozimlarini  egallash  uchun  Xitoyda  hukumat 
tomonidan,  shuningdek,  sobiq  Ittifoq  davrida  ta’lim  muassasalarining  so’nggi 
bosqichlarida  o’quvchilarning  o’quv  (kasb-hunar  bilim  yurtlari,  texnikumlarda  esa 
o’quv va kasbiy fanlar), talabalarning kasbiy fanlar asoslari, mutaxassislik ko’nikma, 
malakalarini yetarli darajada o’zlashtirganliklarini aniqlash maqsadida tashkil etilgan 
imtihon.  Davlat  imtihoni  dastlab  Xitoyda  e.av.  II  va  e.  II  asrlari  oralig’ida  joriy 
etilgan.  Xitoydagi  Davlat  imtihoni  to’rtta  bosqichda  tashkil  etilgan.  Ular:  1)  uezd 
(mahalliy)  imtihonlari;  2)  provinsia  (viloyat)  imtihonlari;  3)  poytaxt  imtihoni.  1-
bosqichda:  imtihonni  muvaffaqiyatli  topshirgan  o’quvchilar  1-ilmiy  darajaga  va 
ikkinchi  bosqich  imtihonini  topshirish  huquqiga  ega  bo’lish  bilan  birga  uezd 
(mahalliy) amaldori lavozimiga tayinlangan, imtihondan o’ta olmaganlar esa maktab 
o’qituvchilari lavozimida ishlagan; 2-bosqichda: imtihonni muvaffaqiyatli topshirgan 
o’quvchilar 2-ilmiy darajaga va uchinchi bosqich imtihonini topshirish huquqiga ega 
bo’lish  bilan birga  viloyat  miqyosidagi  nufuzli  ma’muriy  lavozimlarga  tayinlangan, 
imtihondan  o’ta  olmaganlar  esa  avval  egallab  turgan  lavozimlarida  ishni  davom 

---

 
47 
ettirgan;  3-bosqichda:  imtihonni  muvaffaqiyatli  topshirgan  o’quvchilar  3-ilmiy 
darajaga  ega  bo’lish  bilan  birga  yuqori  amaldorlik  lavozimlariga  tayinlanish 
imkoniyatini ham qo’lga kiritgan. 
Xitoydagi  davlat  imtihoni  maxsus  tashkil  etilgan  Imtihon  hay’ati  tomonidan 
qabul qilingan. Davlat imtihoni hayati imperator, poytaxt hamda viloyatlarning yirik 
amaldorlaridan  tarkib  topgan.  Shuni  ham  aytib  o’tish  kerak,  Xitoyda  Davlat 
imtihonini  topshirish  uchun  ijodiy  qobiliyatga  ega  bo’lish  talab  etilmagan. 
Imtihonining  butun  mohiyati  quyidagi  qarashda  o’z  aksini  topgan:  “imtihonni 
topshirishga  chidash  uchun  arg’imoqdek  (chopqir  otdek)  o’ynoqi,  eshakdek  qaysar, 
bitdek ko’rib bo’lmaydigan, tuyadek chidamli bo’lish lozim”.