B abdullayeva, M. Usmonbayeva, O’. Asqarova, F. Ehsonova, S. Hakimov

Bunyodkor  g’oya 
–  oliy  insoniy  qadriyatlarga  asoslanuvchi,  doimiy 
taraqqiyotni  yoqlovchi,  shaxsni  yaratuvchanlikka  undovchi,  insoniyat  istiqboli  va 
jamiyat  ravnaqini  ta’minlovchi  g’oya.  Bunday  g’oyalar  ilg’or  fikrli  kishilar, 
uyushmalar,  oqimlar  tomonidan  ilgari  suriladi.  Bunyodkor  g’oyalar  ma’rifatli 
jamiyatni harakatga keltiruvchi ma’naviy kuch sanaladi. Ushbu g’oyalarning yetakchi 
asoslari:  tinchlikni  saqlash,  urushning  oldini  olish,  millat  va  elatlar  o’rtasida  o’zaro 
hamjihatlik  va  hamkorlikni  qaror  toptirish,  turli  dinlarga  e’tiqod  qiluvchilarning 
tolerantlikka  ega  bo’lishlarini  yoqlash,  jamiyatda  barqarorlikni  ta’minlash,  ijtimoiy 
munosabatlarning  insonparvarlik  va  demokratik  tamoyillarga  asoslanishini  targ’ib 
etish  va  h.k.  sanaladi.  Bunyodkor  g’oyalar  milliy  va  umuminsoniy  manfaatlar 
uyg’unlashgan,  insonparvar,  demokratik  g’oyalar,  shuningdek,  diniy  tolerantlik, 
ma’naviy-axloqiy  e’tiqodga  asoslangan  jamiyatda  istiqbol  taraqqiyotni  belgilab 
berishga xizmat qiladi. Jamiyat hayotida yaratuvchanlik, bunyodkorlik g’oyalarining 
ustuvor  o’rin  tutishi  unda  yashovchi  insonlarning  ma’naviy-axloqiy  qiyofasi,  bilim 
darajasi, dunyoqarashi, ijtimoiy borliqqa bo’lgan munosabati, hayotiy  maqsadlari va 
yondoshuvlariga bog’liq.