B abdullayeva, M. Usmonbayeva, O’. Asqarova, F. Ehsonova, S. Hakimov

 
Metodik kengash 
–
 
ta’lim muassasasida ta’lim jarayonining sifatini ta’minlash, 
o’qituvchilarning  g’oyaviy-nazariy  jihatdan  tayyorgarligi,  pedagogik,  metodik 
mahoratlarini  takomillashtirilib  borilishiga  nazariy-metodik  jihatdan  rahbarlik 
qiluvchi  organ.  Mazkur  kengash  faoliyati  “Umumiy  o’rta  ta’lim  maktabi  Metodik 
kengashi  to’g’risida”gi  Nizomda  o’z  aksini  topadi.  Metodik  kengash  quyidagi 
vazifalarni hal qiladi: ta’lim jarayonining metodik ta’minoti holatini o’rganish, ta’lim 
muassasasi  metodik  ishlarini  tashkil  etadi  va  muvofiqlashtirib  borish;  ta’lim 
muassasasida olib borilayotgan metodik ishlarning istiqbolini aniqlash;  yo’nalish va 
fanlar  bo’yicha  metodika  birlashmalariga  umumiy  rahbarlik  qilish,  ularning 
faoliyatlarini  muvofiqlashtirish;  ta’limga  doir  me’yoriy  va  metodik  hujjatlarni 
o’rganish,  ularni  o’quv  jarayoniga  tatbiq  etish  usullari  yuzasidan  tavsiyalar  berish; 
ta’lim  muassasasi  o’quv-metodik  ishlariga  ekspert  sifatida  baho  berishni  amalga 
oshirish;  o’qituvchilarning  g’oyaviy-nazariy  bilim  darajasini  oshirish,  ularni  fan 
yutuqlari,  pedagogik  innovatsiyalar,  ilmiy-ommabop  adabiyotlar  bilan  muntazam 
tanishtirib  borish;  o’qituvchilarga  ish  rejalarining  tuzilishi,  bo’limlari  mazmuni 
bo’yicha  tavsiyalar  berish;  ta’lim  jarayonida  qo’llash  uchun  ilg’or  pedagogik 
texnologiyalarni  ishlab  chiqib,  ularning  amaliyotga  joriy  etilishini  nazorat  qilib 
borish;    o’qituvchilarning  pedagogik  va  metodik  mahoratini  oshirishga  doir  ishlarni 
amalga oshirish; DTS talablari, o’quv rejasi va dasturlarining bajarilish holatini tahlil 
qilish,  tegishli  tadbirlarni  belgilash;  tashqi  va  ichki  nazorat  natijalariga  DTS 
talablarining  bajarilishida  aniqlangan  kamchiliklarni  bartaraf  etish  chora-tadbirlarini 
belgilash,  ularning  bajarilishini  nazorat  qilish;  o’quv  jarayoniga  o’qitish 
metodikasining  zamonaviy  va  samarali  usullarini  olib  kirish,  pedagogik  kadrlarni 
metodik  jihatdan  bilimlarini  oshirish  maqsadida  o’quv  seminarlarini  tashkil  qilish; 
ta’lim  jarayonida  milliy  mafkura  va  yoshlarda  siyosiy  ongni  shakllantirishga  doir 
ko’rsatmalar  berib  borish;  o’quvchilar  bilimini  nazorat  qilish  va  ularning  mustaqil 
ishlarini  tashkil  qilishga  doir  ko’rsatmalar  berish;  yo’nalish  va  fanlar  bo’yicha 
metodika  birlashmalari  hisobotini  eshitish,  muhokama  qilish,  ularning  faoliyatini 
takomillashtirish yuzasidan tavsiyalar berish; o’qituvchilarning samarali mehnatlarini 
inobatga  olgan  holda  ma’naviy  va  moddiy  rag’batlantirishga  tavsiya  qilish; 
pedagogik  xodimlarning  attestatsiyadan  o’tkazish  bo’yicha  materiallarni  tayyorlash; 
ta’lim  muassasasi  miqyosida  fan  oyliklari  (haftaliklari),  fanlar  bo’yicha  darsdan 
tashqari  (fakultativ,  to’garak)  ishlari,  fan  olimpiadalarining  1-bosqichlari,  ko’rik-
tanlovlarning o’tkazilishi va ularning samarasini nazorat qilib borish. 
Metodik  kengash  faoliyati  quyidagi  hujjatlarda  yoritiladi:  1.  Ish  rejasi.  2. 
Kengash yig’ilishi bayonnomasi. 3. Kengash tomonidan tahlil qilingan materiallar. 4. 
Ekspert  qilingan  materiallar  va  ishlab  chiqilgan  metodik  ishlar.    Metodik  kengash 
faoliyatiga  Pedagogik  kengash  qaroriga  asosan  ijodkor,  tajribali  o’qituvchilardan 
ta’lim muassasasi direktorining buyrug’i bilan tayinlangan boshliq rahbarlik qiladi.