B abdullayeva, M. Usmonbayeva, O’. Asqarova, F. Ehsonova, S. Hakimov

 
Mehnat  tarbiyasi
  –  shaxsga  mehnatning  mohiyatini  chuqur  anglatish,  ularda 
mehnat  va  mehnat  faoliyatiga  ongli  munosabatni,  shuningdek,  muayyan  ijtimoiy-
foydali  harakat  yoki  kasbiy  ko’nikma,  malakalarni  shakllantirishga  yo’naltirilgan 
pedagogik  jarayon.  Mehnat  tarbiyasining  maqsadi  shaxsda  mehnat  va  mehnat 
faoliyatiga ijobiy munosabatni shakllantirishdan iborat.  
Mehnat  tarbiyasini  tashkil  etishda  quyidagi  vazifalar  hal  qilinadi:  shaxsga 
mehnatning mohiyatini chuqur anglatish; unda mehnat faoliyatiga ijobiy munosabatni 
shakllantirish;  shaxsning  bilishga  bo’lgan  qiziqishlarini  rivojlantirish;  o’quvchilarni 
nazariy bilimlarni amaliyotda qo’llashga o’rgatish; o’quvchilarni turli mazmunga ega 
mehnat  ko’nikma  va  malakalari  bilan  qurollantirish;  o’quvchilarda  mehnatga 
muhabbat  uyg’otish,  ularni  mehnatsevarlikka,  tejamkorlikka  o’rgatish.  Mehnat 
tarbiyasi  mazmunida  uning  samaradorligini  ta’minlovchi  ta’lim  muassaasasi 
imkoniyatlari;  ta’lim  muassasasining  moddiy  ta’minoti;  o’qituvchi  kadrlarning 
salohiyati; ishlab chiqarish sharoitlari; ta’lim  muassasasining an’analari kabi omillar 
aks etadi. 
Ta’lim  muassasalarida  mehnat  tarbiyasini  tashkil  etishda  mehnatning  quyidagi 
turlaridan foydalaniladi: 1)  o’quv mehnati; 2) ijtimoiy-foydali mehnat; 3)  o’z-o’ziga 
xizmat ko’rsatish; 4) ishlab chiqarish mehnati.