B abdullayeva, M. Usmonbayeva, O’. Asqarova, F. Ehsonova, S. Hakimov

 
Ma’naviy-axloqiy tarbiya
 – o’quvchilar ongi, hayoti, turmush tarziga muayyan 
jamiyat  tomonidan  tan  olingan  va  rioya  qilinishi  zarur  bo’lgan  tartib,  axloq,  o’zaro 
munosabat,  muloqot  va  xulq-atvor  qoidalari,  mezonlarni  singdirish  orqali  ularda 
odob,  axloqiy  sifatlarni  tarbiyalashga  yo’naltirilgan  jarayoni.  Ma’naviy-axloqiy 
tarbiyani  tashkil  etishda  o’quvchilarni  ijtimoiy-axloqiy  me’yorlar  mazmunidan 

---

 
130 
xabardor etish, ularga axloqiy me’yorlarning ijtimoiy ahamiyatini tushuntirish, ularda 
ijtimoiy-axloqiy  me’yorlar  (talab  va  taqiqlar)ga  nisbatan  hurmat  hissini  qaror 
toptirish asosida axloqiy ong va madaniyatni shakllantirish maqsadi ko’zlanadi. 
Ma’naviy-axloqiy  tarbiyani  tashkil  etish  jarayonida  quyidagi    vazifalar 
bajariladi:  1.  O’quvchilarni odob-axloq  qoidalari  va  ijtimoiy  axloq  me’yorlari  bilan 
tanishtirish.  2.  Ularda  ma’naviy-axloqiy  ongni  shakllantirish.  3.  O’quvchilarning  
ma’naviy-axloqiy  his-tuyg’ularini  tarbiyalash  va  rivojlantirish.  4.  Ularda  ma’naviy-
axloqiy  sifat  (ota-onani,  kattalarni  hurmat  qilish,  kichiklarga  izzat  ko’rsatish, 
mehnatsevarlik,  bilim  olishga  intilish,  kamtarlik,  halollik,  rostgo’ylik,  oliyjanoblik, 
muruvvatlilik, rahmdillik, moddiy va ma’naviy ne’matlarni asrash, kelajakka ishonch 
bilan  qarash  va h.k.)larni  tarbiyalash. 5. O’quvchilarda  ma’naviy-axloqiy  xulq-atvor 
ko’nikma, malaka va odatlarini tarkib toptirish.