B abdullayeva, M. Usmonbayeva, O’. Asqarova, F. Ehsonova, S. Hakimov

 
 
Millatchilik
  –  garchi  jangari  xarakterga  ega  bo’lmasa-da,  biroq,  turli  millat  va 
elatlar  o’rtasiga  nifoq  soladi,  ularning  o’zaro  tinch  va  inoq  yashashlariga  to’sqinlik 
qiladigan  g’oyaviy  kurash  turi.  Aksariyat  ziddiyatlarining  kelib  chiqishiga  sabab 
bo’luvchi  millatchilik  negizida  o’zi  mansub  bo’lgan  millatni  ulug’lash,  uning 
manfaatlarini  o’zga  millat  va  elatlar  manfaatlaridan  ustun  qo’yish  g’oyasi  yotadi. 
Millatchilik aholisining tarkibi jihatidan ko’p millatli davlatlarda yanada xavfli xavfli 
tus  oladi.  Binobarin,  bir  mamlakat  doirasida  turli  millat,  elatga  mansub,  shu  bilan 
birga  turli  dinlarga  e’tiqod  qiluvchi  kishilar  manfaatlarining  o’zaro  uyg’unligiga 
erishish  nihoyatda  murakkab  jarayon.  Aholi  o’rtasida  millatchilik  g’oyalarining 
targ’ib  qilinishi  esa  vaziyatni  yanada  murakkablashtiradi.  Millatchilik  g’oyalarining 
targ’ib etilishi oqibatida 1989 yilda Farg’ona, O’sh, shuningdek, so’nggi vaqt (2014 
yil fevral-mart)da Ukraina Respublikasining poytaxti Kiev shaharlarida sodir bo’lgan 
voqealar  begunoh  kishilarning  hayotdan  bevaqt  ko’z  yumishlariga  sabab  bo’ldi. 
Millatchilikning  oldini  olish,  milliy  ustunlikni  targ’ib  qiluvchi  qarashlarga  qarshi 
keskin  kurashish  aholi,  shu  jumladan,  yoshlar  o’rtasida  millatlararo  totuvlik 
g’oyalarini  targ’ib  etish  sanaladi.  Millatlararo  totuvlik  mamlakat  taraqqiyotini 
ta’minlash  bilan  birga  ijtimoiy  barqarorlikni  yuzaga  kelishiga  zamin  yaratadi. 
Shuningdek,  millatlararo  totuvlik  muayyan  davlat  hududida  yashayotgan  turli  millat 
va  elatlarni  yagona  g’oya  –  milliy  istiqlol  g’oyasi  atrofida  jipslashishlarini,  ular 
o’rtasida o’zaro hamjihatlikning qaror topishini ta’minlaydi.