B abdullayeva, M. Usmonbayeva, O’. Asqarova, F. Ehsonova, S. Hakimov

 
 
Kadrlar  tayyorlash  milliy  modeli
  (KTMM)  –  O’zbekiston  Respublikasining 
ta’lim sohasidagi davlat siyosatining mohiyatini, malakali kadrlarni tayyorlash, qayta 

---

 
98 
tayyorlash va  malakasini oshirishdan iborat  yagona  tizimning mazmuni  yaxlit holda 
aks  ettiradigan  model.  KTMM  shaxsning  yosh  xususiyatini  hisobga  olgan  holda 
bosqichma-bosqich, izchil rivojlanib borishini kafolatlaydi. Mazkur modelning asosiy 
tarkibiy qismlari
 
shaxs, davlat va jamiyat, uzluksiz ta’lim, fan hamda ishlab chiqarish 
sanaladi. 
Kadrlar tayyorlash milliy modelida shaxs: 1) kadrlar tayyorlash tizimining bosh 
subyekti  va  obyekti;  2)  ta’lim  sohasidagi  xizmatlarning  iste’molchisi  (DTS  orqali 
ta’lim  oladi  va  kasb-hunar  tayyorgarligiga  ega  bo’ladi);  3)  ta’lim  sohasidagi 
xizmatlarni  amalga  oshiruvchi  (tegishli  malaka  darajasini  olgach,  ta’lim,  ishlab 
chiqarish, fan, madaniyat va xizmat ko’rsatish sohasida faoliyat ko’rsatadi, o’z bilimi, 
tajribasini yosh avlodga o’rgatishda ishtirok etuvchi) sifatida namoyon bo’ladi. 
Davlat va jamiyat ta’lim, kadrlar tayyorlash tizimining faoliyatini tartibga solish, 
nazorat  qilishni  amalga  oshiruvchi  kadrlarni  tayyorlash  hamda  ularni  qabul  qilib 
olishning kafillari hisoblanadi. 
Uzluksiz  ta’lim  malakali,  raqobatbardosh  kadrlar  tayyorlashning  asosi  bo’lib, 
ta’limning  barcha  turlari,  DTS,  kadrlar  tayyorlash  tizimi  tuzilmasi  hamda  uning 
faoliyat ko’rsatish muhitini o’z ichiga oladi.  
Fan yuqori malakali mutaxassislar tayyorlovchi va ulardan foydalanuvchi, ilg’or 
pedagogik  va  axborot  texnologiyalarini  ishlab  chiqaruvchi  hisoblanib, uning  kadrlar 
tayyorlash jarayonidagi ishtiroki quyidagilarda aks etadi: tabiat va jamiyat taraqqiyoti 
qonuniyatlari  to’g’risidagi  yangi  fundamental  va  amaliy  bilimlarni  shakllantirish, 
ularni  kadrlar  tayyorlash  tizimida  ommalashtirish,  o’rganish  va  foydalanish  uchun 
kerakli  ilmiy  natijalarni  jamlash;  oliy  malakali  ilmiy  va  pedagog  kadrlarni 
tayyorlashni  amalga  oshirish;  kadrlar  tayyorlash  jarayonini  ilmiy-tadqiqot  jihatidan 
ta’minlash  infrastrukturasini  vujudga  keltirish;  ta’limning  axborot  tarmoqlarida 
foydalanish  maqsadida  bilimning  turli  sohalari  bo’yicha  axborot  bazasini 
shakllantirish;  mamlakat  ilm-fanining  jahon  ilm-faniga  integratsiyasini  ta’minlash; 
zamonaviy ilm-fan va texnologiyalarning eng muhim muammolarini hal etish uchun 
ilmiy yutuqlar va kadrlarni xalqaro miqyosda almashinuvini ta’minlash.  
Ishlab  chiqarish  kadrlarga  bo’lgan  ehtiyojni,  ularning  tayyorgarlik  sifati  va 
saviyasiga  nisbatan  qo’yiladigan  talablarni  belgilovchi  asosiy  buyurtmachi,  kadrlar 
tayyorlash  tizimini  moliya  va  moddiy-texnika  jihatidan  ta’minlash  jarayonining 
qatnashchisi bo’lib, uning ta’lim tizimidagi o’rni quyidagilarda aks etadi: turli saviya 
va malakadagi mutaxassislarga bo’lgan talab-ehtiyojni shakllantirish; o’z ixtiyoridagi 
moddiy-texnik, moliyaviy,  kadrlar  resurslari,   kadrlarni  o’qitish,  malakasini  oshirish 
va  qayta  tayyorlash  uchun  zarur  boshqa  resurslarni  berish  bilan  uzluksiz  ta’lim 
tizimiga ko’maklashish; muassis, vasiy, donor, homiy tariqasida ayrim mutaxassis va 
guruhlarni maqsadli tayyorlashni, shuningdek, turli tip va darajadagi o’quv yurtlarini 
moliyalashda  qatnashish;  ta’lim  va  ilm-fanning  turli  shakllaridagi  integratsiyasi 
(muvaqqat  ijodiy  jamoalar,  o’quv-ilmiy  ishlab  chiqarish  majmualari,  markazlari, 
texnopolistlar)ni rivojlantirish.