B abdullayeva, M. Usmonbayeva, O’. Asqarova, F. Ehsonova, S. Hakimov

 
Ishchi o’quv rejasi
 – namunaviy o’quv rejalari asosida o’quv muassasalarining 
mavjud  sharoitlarini  hisobga  olgan  holda  yaratiladigan  o’quv  reja.  Ishchi  o’quv 
dasturlarini yaratish tartibi ta’lim tizimini boshqaruv organlari tomonidan belgilanadi.  
 
Ichki nazorat 
(ta’lim  muassasasida)
 
– ta’lim muassasasi jamoasi, o’qituvchilar 
guruhi yoki alohida o’qituvchining pedagogik faoliyati tizimi,  ta’lim muassasasidagi 
ta’lim  va  o’quvchilarning  ijtimoiy  tarbiyalanganlik  darajasi  tizimining  mohiyatini 
o’rganish  qaratilgan  nazorat.  Ta’lim  muassasasida  ichki  nazorat  quyidagi 
yo’nalishlarda  tashkil  etiladi:  1.  Pedagogik  tashkilotchilikka  doir  masalalarning  hal 
qilinishi.  2.  Ta’lim  dasturlari,  DTSning  bajarilish  sifati.  3.  O’quvchilar  bilim, 
ko’nikma  va  malakalarining  sifati.  4.  O’quvchilarning  tarbiyalanganlik  darajasi.  5. 
O’qitishning ta’limiy, tarbiyaviy, rivojlantiruvchi funksiyalarining bajarilish holati. 6. 
Darsdan  tashqari  tarbiya  ishlarni  tashkil  etish  holati  va  sifati.  7.  Pedagogik  kadrlar 
bilan  ishlash.  8.  Ta’lim  muassasasi  faoliyatining  o’ziga  xos  samaradorligi.  9.  Qabul 
qilingan  qarorlar  va  me’yoriy-huquqiy  hujjatlarda  ko’rsatilgan  talablarning 
bajarilishi.  
Ta’lim muassasasining ichki nazorati quyidagi turlarga ajratiladi: I. Asosiy ichki 
nazorat:  1)  mavzuli  (aniq  bir  mavzuni  o’rganishga  yo’naltirilgan)  ichki  nazorat;  2) 
frontal (oraliq) ichki nazorat. II. Qo’shimcha ichki nazorat: 1) alohida ichki nazorat; 
2)  sinf-muloqotga  asoslanadigan  ichki  nazorat;  3)  predmetli  (o’quv  predmetlaridan 
birining  o’qitilishi  yuzasidan  tashkil  etiladigan)  ichki  nazorat;  4)  mavzuli  (aniq  bir 
mavzuni  o’rganishga  yo’naltirilgan)  ichki  nazorat;  5)  majmuaviy  (kompleks)  ichki 
nazorat.