B abdullayeva, M. Usmonbayeva, O’. Asqarova, F. Ehsonova, S. Hakimov

 
Ta’lim  tizimini  boshqarish
  –  tegishli  vakolatli  davlat  va  mahalliy  organlar 
tomonidan  ta’lim  sohasidagi  davlat  siyosatini  amalga  oshirishi,  ta’lim  muassasalari 
faoliyati  ustidan  rahbarlik  qilishi.  Respublika  ta’lim  tizimini  boshqaruvchi  yetakchi 
mas’ul  muassasa  O’zbekiston  Respublikasining  Vazirlar  Mahkamasi  sanaladi. 
O’zbekiston  Respublikasi  Vazirlar  Mahkamasining  ta’lim  sohasidagi  vakolatlariga 
quyidagilar  kiradi:  ta’lim  sohasida  yagona  davlat  siyosatini  amalga  oshirish;  ta’lim 
sohasidagi  davlat  boshqaruvi  organlariga  rahbarlik  qilish;  ta’limni  rivojlantirish 
dasturlarini  ishlab  chiqish  va  amalga  oshirish;  ta’lim  muassasalarini  tashkil  etish, 
qayta  tashkil  etish  va  tugatish  tartibini  belgilash;  ta’lim  muassasalarini 
akkreditatsiyadan,  pedagog,  ilmiy  kadrlarni  attestatsiyadan  o’tkazish  tartibini 
belgilash;  boshqa  davlatning  ta’lim  muassasalariga  O’zbekiston  Respublikasining 
hududida  ta’lim  faoliyati  bilan  shug’ullanish  huquqini  ta’minlovchi  ruxsatnomalarni 
berish;  qonun  hujjatlariga  muvofiq  xorijiy  davlatlarning  ta’lim  to’g’risidagi 
hujjatlarini  tan  olish  va  bu  hujjatlarning  ekvivalent  ekanligini  qayd  etish  tartibini 
belgilash;  DTSni  tasdiqlash;  davlat  tomonidan  tasdiqlangan  namunadagi  ma’lumot 
to’g’risidagi hujjatlarni tasdiqlash va ularni berish tartibini belgilash; davlat grantlari 
miqdorini va ta’lim muassasalariga qabul qilish tartibini belgilash; davlat oliy ta’lim 
muassasasining  rektorlarini  tayinlash;  ta’lim  oluvchilarni  akkreditatsiya  qilingan  bir 
ta’lim  muassasasidan  boshqasiga  o’tkazish  tartibini  belgilash;  qonun  hujjatlariga 
muvofiq boshqa vakolatlarga egalik qilish.  
Ta’lim  muassasasining faoliyatini boshqarishda O’zbekiston Respublikasi Xalq 
ta’limi,  Oliy  va  o’rta  maxsus  ta’lim  vazirliklar  bevosita  ishtirok  etadi.  O’zbekiston 
Respublikasi  Xalq  ta’limi,  Oliy  va  o’rta  maxsus  ta’lim  vazirliklarining  ta’lim 
muassasalari  pedagogik  faoliyatini  boshqarishdagi  vakolatlari  quyidagilardan  iborat: 
ta’lim  sohasida  yagona  davlat  siyosatini  ro’yobga  chiqarish;  ta’lim  muassasalari 
faoliyatini  muvofiqlashtirish  va  uslub  masalalarida  ularga  rahbarlik  qilish;  DTS, 
mutaxassislarining  bilim  saviyasi,  kasbiy  tayyorgarligiga  bo’lgan  talablarning 
bajarilishini 
ta’minlash;  o’qitishning  ilg’or  shakllarini,  yangi  pedagogik 
texnologiyalarni,  ta’limning  texnik  va  axborot  vositalarini  o’quv  jarayoniga  joriy 

---

 
209 
etish,  o’quv  va  o’quv-usulbiy  adabiyotlarni  yaratish,  nashr  etishni  tashkillashtirish; 
ta’lim  oluvchilarning  yakuniy  davlat  attestatsiyasi  va  davlat  ta’lim  muassasalarida 
eksternat  to’g’risidagi  nizomlarini  tasdiqlash;  davlat  oliy  ta’lim  muassasalarining 
rektorlarini  tayinlash  to’g’risida  O’zbekiston  Respublikasi  Vazirlar  Mahkamasiga 
takliflar kiritish; pedagog xodimlarni tayyorlash, ularning malasini oshirish va  qayta 
tayyorlashni tashkil etish.