B abdullayeva, M. Usmonbayeva, O’. Asqarova, F. Ehsonova, S. Hakimov

Ta’lim-tarbiyaga  tabaqaviy  yondashuv 
–  ta’lim  va  tarbiya  jarayonlarining 
o’quvchi  (tarbiyalanuvchi,  talaba)larni  yosh,  jismoniy,  qiziqish,  bilish,  bilim, 
ko’nikma,  malakalarni  o’zlashtirganlik,  hayotiy  tajribaga  egalik  va  sh.k. 
xususiyatlariga ko’ra muayyan guruhlarga ajratish asosida tashkil etilishi. O’qitish va 
tarbiya  jarayonlariga  tabaqaviy  yondashuv  shakli  juda  qadimdan  shakllangan.  E.av. 
IX-VIII  asrlarda  Kichik,  Old  va  Markaziy  Osiyoda  ibtidoiy  tuzumning  ijtimoiy 
hamda mulkiy jihatdan tabaqalanishi ro’y bergan. Asosiy ijtimoiy bo’g’in oila bo’lib 
qolgan.  Bu  jarayon  tarbiyaning  g’oya  va  mazmunini  ham  o’zgartirgan.  Jamoaning 
umumiy, o’zaro tenglikka asoslangan, nazorat qilinadigan tarbiyasi tabaqaviy-oilaviy 
tarbiyaga  aylanib  borgan.  Mazkur  davrda  ta’lim-tarbiya  jarayoniga  tabaqaviy 
yondashuv asosida bolalarning ijtimoiy kelib chiqishi, moddiy va ijtimoiy ahvoli ham 
inobatga olingan.