B abdullayeva, M. Usmonbayeva, O’. Asqarova, F. Ehsonova, S. Hakimov

 
Ta’lim usullari 
– o’qituvchi (pedagog) va o’quvchi (talaba) o’rtasida aniq bilim, 
ko’nikma,  malakalarni  uzatish  va  hosil  qilishga  yo’naltirilgan  qisqa  muddatli 
hamkorlik  harakatlari,  operatsiyalari.  Ular  muayyan  ta’lim  metodlarining  tarkibiy 
qismi  yoki  alohida  ko’rinishi  sanaladi.  Ta’lim  usullari  o’qitish  tizimining 
xususiyatlaridan  kelib  chiqib  aniqlanishi  mumkin.  M:  muammoli  ta’lim  jarayonida 
muammoli  vaziyatni  qo’yish,  tushuntirish-ko’rsatmali  ta’limni  tashkil  etishda  esa 
aniq  maqsadga  erishish  uchun  o’quvchilarning  harakatlarini  rejalashtirish,  interfaol 
ta’limda  o’quvchilar  faolligini  ta’minlovchi  topshiriq  va  masalalarni  tanlash, 
rivojlantiruvchi ta’limda esa o’quvchilarda mustaqil fikrlash, kichik tadqiqotlarni olib 
borish  ko’nikma,  malakalarini  shakllantirish  imkonini  beruvchi  dolzarb  pedagogik 
muammolarni  aniqlash  kabilarga  e’tibor  qaratiladi.  Pedagogik  faoliyatda 
qo’llaniladigan ta’lim usullarini ularning xarakteriga ko’ra bir nechta guruhga ajratish 
mumkin. Ular: 1. Fikrlash, diqqat, xotira, idrok, tasavvurning alohida operatsiyalarini 
shakllantiruvchi va faollashtiruvchi usullar. 2. O’quvchilarning fikrlash faoliyatlarida 
muammoli,  izlanuvchan  vaziyatlarni  hosil  qilishga  imkon  beruvchi  usullar.  3. 
O’quvchilar  tomonidan  o’quv  materialini  o’zlashtirish  bilan  bog’liq  holda  ularda 
ichki  kechinma,  his-tuyg’ularni  faollashtirishga  xizmat  qiluvchi  usullar.  4. 
O’quvchilar  faoliyatini  nazorat,  o’z-o’zini  nazorat  qilish,  shuningdek,  ularning 
mustaqil ta’lim olishlarini ta’minlovchi usullar. 5. O’quv jarayonida o’quvchilarning 
o’zaro jamoaviy va shaxsiy munosabatlarini boshqarish usullari.