B abdullayeva, M. Usmonbayeva, O’. Asqarova, F. Ehsonova, S. Hakimov

T 
 
Tabaqalashtirilgan  ta’lim
  –  o’quvchi  (talaba)larning  shaxsiy  layoqatlari, 
qiziqishlari,  qobiliyatlarini  aniqlash  asosida  ularga  turli  o’zlashtirish  darajalari 
bo’yicha,  biroq,  DTS  va  o’quv  dasturi  talablaridan  kam  bo’lmagan  hajmdagi 
materiallarni berishga yo’naltiriladigan ta’lim; pedagogik texnologiyalardan biri. 
 
Tafakkur 
– ijtimoiy voqea-hodisalarning ongda to’laqonli aks etishi, inson aqliy 
faoliyatining yuksak shakli. 
 
Takrorlash  darsi
  –  o’rganilgan  mavzular  bo’yicha  o’zlashtirilgan  bilimlarni 
qayta  yodga  olish  orqali  mustahkamlash  maqsadini  ifodalovchi  dars.  Bu  turdagi 
darslarda  o’qituvchi  tomonidan  quyidagi  pedagogik  vazifalar  hal  qilinadi:  tashkiliy 
masalalarni  hal  qilish;  ta’limiy,  tarbiyaviy  va  rivojlantiruvchi  vazifalarni  belgilash; 
muayyan  xulosaga  kelishga  imkon  beradigan,  bilim  va  ko’nikmalar  uchun  muhim 
negiz bo’ladigan asosiy tushunchalarni takrorlash asosida uyga vazifalarni tekshirish; 
darsdagi o’quv faoliyati natijalarini baholash (takrorlash natijalarini umumlashtirish); 
uyga vazifa berish. Takrorlash darslari zarur ma’lumotlarni o’z ichiga olgan mavzu, 
ma’lum bo’lim, bob asosida tashkil qilinadi.