B abdullayeva, M. Usmonbayeva, O’. Asqarova, F. Ehsonova, S. Hakimov

 
 
Ibtidoiy  tarbiya
  –  kishilik  jamiyatining  ilk  bosqichida  tashkil  etilgan  tarbiya. 
Ibtidoiy  jamiyatda  kishilar  o’rtasida  ijtimoiy-iqtisodiy  tabaqalanish  bo’lmaganligi 
sababli  jamoaning  barcha  a’zolari  teng  mavqega  ega  bo’lishgan.  Xususiy  mulk 
mavjud bo’lmagan, jamoa a’zolarining barchasi birgalikda mehnat qilishgan. Mehnat 
jismoniy  va  aqliy  mehnat  tarzida  guruhlanmagan.  Barcha  bolalarga  bir  xil  tarbiya 
berilgan.  Tarbiyaning  mazmuni  juda  oddiy  bo’lib,  asosan,  bolalar  terib-termachlab 
kun  kechirish,  yirtqich  hayvonlardan  o’zini  o’zi  himoyalash,  jamoa  bilan  birgalikda 
ov  qilish  kabilarga  o’rgatilgan.  Ibtidoiy  jamoa  tuzumiga  xos  xususiyat  guruhli, 
jamoaviy  tarbiyaning  boshlanishi  sanaladi.  Bu  davrdagi  tarbiya  barchani  birdek 
kundalik hayotga tayyorlagan. Tarbiyaning tabaqalanishida faqat ikki holat – yosh va 
jins inobatga olingan. Ibtidoiy tuzum davrida mavjud tajribalarni bolalar va yoshlarga 
berishda  bajarib  ko’rsatish  usulidan  samarali  foydalanilgan.  Yoshi  katta,  tajribali 
kishilar  bolalarga  ovda  ishlatiladigan  tayoqlarni  ushlash,  o’ldirilgan  hayvonning 
terisini  shilib  olish,  iste’mol  qilinadigan  o’simliklarni  izlab  topish  va  terish  kabi 
mehnat faoliyatini bevosita bajarib ko’rsatish orqali bolalarga hayotiy bilimlarni berib 
borgan. Kattalarning  bolalarga  hissiy-psixologik  ta’sir  ko’rsatishining  asosiy  usuli  – 
biror-bir  ish-harakatni  mexanik  takrorlash  bo’lgan.  Ibtidoiy  tarbiyada  bolalar 
faoliyatini  ma’qullash,  alohida  bolani  tengdoshlariga  o’rnak  qilib  ko’rsatish  kabi 
rag’batlantirish  metodlaridan  foydalanilgan.  Ibtidoiy  tarbiyada  jazolash  metodi  ham 
qo’llanilgan.  Biroq,  jazolash  og’ir  jismoniy  jazo  darajasida  bo’lmagan.  Eng  yomon 
vaziyatlarda bolalarning yuzlariga, tananing ixtiyoriy joyiga tarsaki, shapaloq urilgan. 
Yoki  jismonan  jazolash  bilan  (bolaning  izidan  tayoq  bilan  yerga  urish  tarzida) 
qo’rqitilgan.