Azimjonova marxaboxonning

Intensiv kuchaytirma. Daraja ravishlarda asosan ikki yo’l bilan hosil qilinadi: 1) So’zlarni to’liq takrorlash orqali: juda-juda, tez-tez, zo’rg’a-zo’rg’a, zinhor-zinhor (zinhor-bazinhor), hali-hali, sira-sira kabi: Bu Boltaboy akaga juda-juda malol keldi (Abdulla Qahhor). Maston … zo’rg’a-zo’rg’a qadam tashlab kelar edi (Abdulla Qahhor). Burnog’i yilgi ish sira-sira esimdan chiqmaydi (H.Nazir); 2) qisqa takror orqali: kuppa-kunduzi, bab-baravar, tikka-tik, chippa-chin, to’ppa-to’g’ri kabi: Har zveno yerining a’zolariga bab-baravar taqsimlab… (Oybek)⁵
Ravishlar ham boshqa so’z turkumlari singari – gina (-kina, -qina) affiksini olgan bo’lishi mumkin. Buda asosan ravishdan anglashilgan belgi ma’nosi biroz kuchsizlanadi: tezgina, hozirgina, bazo’rgina, birpasgina, sekingina, tezgina, yaqindagina, endigina, qushdekkina kabi: Savatni yerga ohistagina qo’ydi (Oybek) … Yigitning shundoqqina orqasida to’xtadi.
1. Ona tili fanini o‘qitishning maqsad va vazifalari
Umumiy o‘rta va o‘rta maxsus, kasb-hunar ta’limi muassasalarida Ona tili fanini o‘qitishning asosiy maqsadi — o‘z fikrini og‘zaki va yozma tarzda to‘g‘ri va ravon bayon qiladigan, kitobxonlik madaniyati shakllangan, mustaqil va ijodiy fikrlay oladigan, o‘zgalar fikrini anglaydigan — muloqot va nutq madaniyati rivojlangan shaxsni kamol toptirishdan iborat.
Umumiy o‘rta va o‘rta maxsus, kasb-hunar ta’limi muassasalarida Ona tili fanini o‘qitishning asosiy vazifasi:
o‘quvchi shaxsini fikrlashga, o‘zgalar fikrini anglashga, o‘z fikrini og‘zaki hamda yozma shaklda savodli bayon qila olishga qaratilgan nutqiy kompetensiyani rivojlantirish;
o‘quvchilarda grammatikaga oid o‘zlashtiriladigan bilimlarni (fonetika, leksikologiya, so‘zning tarkibi, so‘z yasalishi, morfologiya, sintaksis, yozuv va imlo, tinish belgilari, nutq uslublari, stilistikaga oid tushunchalarni) rivojlantirish;
ona tilining keng imkoniyatlaridan unumli foydalangan holda to‘g‘ri va ravon bayon eta olishni rivojlantirishga qaratilgan lingvistik kompetensiyalarni shakllantirishdan iborat.

Umumiy o‘rta va o‘rta maxsus, kasb-hunar ta’limi muassasalarida (barcha ta’lim olish tillari bo‘yicha) ona tili fanini o‘qitish bosqichlari