Azərbaycan ortopediya və travmatologiya jurnali

BUD SÜMÜYÜNÜN PROKSİMAL UCUNUN OYNAQƏTRAFI SINIQLARININ CƏRRAHİ MÜALİCƏSİ
Ə.Z.Davudov, A.Ə.Əkbərov, Ş.B.Əkbərov
Elmi-Tədqiqat Travmatologiya Otropediya İnstitutu, Bakı
Bud sümüyünün proksimal ucunun oynaqətrafı sınıqları və onalrın fəsadları müasir travmatologiyada təkcə tibbi deyil həmçinin sosial-iqtisadi problemdir. Belə ki, ildən ilə belə xəstələrin sayının artması insanların orta yaş həddinin artması və beləliklə də osteoporozun inkişaf etməsi ilə əlaqədardır. ÜST-nın məlumatına görə ahıl və qoca yaşlarda belə xarakterli travmalarda ölüm 15%-ə çatır, hər beşinci xəstə isə uzun müddət stasionar müalicə alır, xəstələrin yarıdan çoxu isə sərbəst hərəkət edə bilmir.
Müasir dövrdə bu tip sınıqlarda çoxsaylı müxtəlif cərrahi müalicə üsullarının tətbiqinə baxmayaraq istənilən nəticəyə nail olunmamışdır. Konservativ müalicə üsulları isə öz aktuallığını tam itirmişdir, çünki bu zaman ölüm 70-75% təşkil edir (Котельников Г.П. 2001), cərrahi müalicə zamanı isə bu göstərici 25,8%-ə qədər təşkil edir (Werner-Tutschku W., 2002; Dудаев А.K. və b., 2010).
Müasir travmatologiyada ən geniş tətbiq edilən cərrahi üsullardan biri kimi “dinamiki bud sistemi” ilə osteosintezi göstərmək olar (Dinamik Screw DHS).
ETTOİ-nun travmanın fəsadları şöbəsinədə 2012-ci ildən başlayaraq bud sümüyünün proksimal ucunun oynaqətrafı sınıqlarının DHS sistemi ilə osteosintez əməliyyatlarına geniş yer verilir və bu müddət ərzində 64 xəstədə tətbiq edilmişdir.
Xəstələrin yaş həddi 45-86 arasında olmuşdur (orta yaş 76). Onlardan 34-ü qadın, 30-u kişi olmuşdur. Bütün xəstələr bu və ya digər somatik xəstəliklərlə olmuşdur. Onlardan iki xəstədə iltihabi ağırlaşma digər birində isə (82 yaş) ölüm baş vermişdir (ağ ciyər arteriyasının tromboemboliyasından) 61 xəstədə isə yaxşı və kafi nəticələr alınmışdır ki, bu da DHS sistemi ilə aparılan cərrahi əməliyyatların geniş şəkildə aparılmasına zəmin yaradır.
Redaksiyaya 20.09.2016-cı il tarixdə daxil olmuşdur.
ТАКТИКА ЛЕЧЕНИЯ ПРИ ОТКРЫТЫХ ПЕРЕЛОМАХ ДИСТАЛЬНОГО ОТДЕЛА ПЛЕЧЕВОЙ КОСТИ ТИПА С ПО КЛАССИФИКАЦИИ АО
А.К.Борукеев
Бишкекский научно исследовательский центр травматологии и ортопедии