Ayolarni e’zozlagan yurt!

«Vatanga qasam­yod» monumentining bosh qahramoni ham – Ona. U Vatan bilan bir tan, bir jon bo‘lib, farzandini kuzatayotir. Bu milliy ma’naviyatimizning go‘zal suvratlaridan biri. Zero, ayolni, onani himoya qilish Vatanni himoya qilishdek muqaddas.
Mamlakatimizda onalarimizni e’zozlab, hurmatlab qilinayotgan ishlarga qarab turib, beixtiyor «Ayollarga erkaklar o‘z tug‘ishgan opa-singillari kabi munosabatda bo‘lishlari kerak», «Tangri ayollar bilan yaxshi muomalada bo‘lishlaringni tavsiya etadi, chunki ular onalaring, qizlaring, xolalaringdir», «Avvalo onangga, yana onangga va yana onangga, so‘ng otangga yaxshilik qil», deyilgan muborak hadislar yodga tushadi.
«Jannat onalar oyog‘i ostidadur» degan hadisni eshitganimizda ko‘zlarimiz onalarimizni ko‘tarib turgan O‘zbekiston tuprog‘ida to‘xtaydi.
Oilaga hurmat-ehtirom
Odamzod oilaga qo‘yilgan monument­ni ko‘rmagan edi. Ko‘rdi. O‘zbekistonda. Prezident Islom Karimov tashabbusi va g‘oyasi asosida 2006 yili, Qarshi shahrining 2700 yillik to‘yi arafasida shu tabarruk zaminda o‘zbek oilasiga «El-yurt tayanchi» degan muazzam yodgorlik qad rostladi.
Bundan maqsad nima edi? Buning hikmatini Prezidentimizning «Yuksak ma’naviyat — yengilmas kuch» kitobidan topdik: «...bu muhtasham badiiy obida orqali biz ming yillar davomida qancha-qancha sinov va mashaqqatlarni boshidan kechirib, o‘z ona yurtini har qanday balo-qazolardan asrab-avaylab kelgan, o‘g‘il-qizlarini aql-zakovat, mardlik va matonat sohibi etib tarbiyalagan bunyodkor xal­qimizga, uning tom ma’noda tayanchi bo‘lgan oilaga cheksiz hurmat-ehtirom tuyg‘usini mujassam etishni maqsad qilib qo‘ydik». E’tibor berdingizmi?! «Bunyodkor ­xalqimizga», uning(xalqning) tayanchi bo‘lgan oilaga hurmat-ehtirom tuyg‘usi mujassam izhor qilindi.
Ota, ona, aka, singil. Ularning yuz-ko‘zlari, qiyofalaridan mamnuniyat, samimiyat, mehr-oqibat tuyg‘ulari taralayotir. Monumentning zamini, poydevori mustahkam. Bu ham hayotimizdan olingan. Chunki unga xalqimizning ming­yilliklar sinovidan o‘tgan milliyligi, o‘zligi, ajdodlarning muqaddas an’analari asos.
Bu oila mehnatdan rohat oladi. Oilam, shu aziz Vatanim deb qilinadigan har kunlik mehnatdan. Ana shuning uchun ham u farovon, sog‘lom, mus­tahkam. Ahil. Shuning uchun monument poyiga gulchambarlar qo‘yayotgan yosh kelin-kuyovlar bu obidadan ibrat, hikmat olmoqdalar.
O‘zbekistonda ayol zotining milliy-ma’naviy darajada qadrlanishiga jahon ayollari havas qilmoqda.
—