Ayolarni e’zozlagan yurt!

Biz g‘arb ayollariga ham sharqona nafosat va donishmandlik kerak, — deydi o‘zbek san’atining targ‘ibotchisi amerikalik Laurel Grey xonim.
— Men qalban musulmonman, o‘zbekcha uy yasatib qo‘yganman. Atlasda yurishni yaxshi ko‘raman. ... O‘zbek ayollari tabiiy go‘zalliklari, malohatlari, soddaliklarini yo‘qotmasliklarini istardim. Biz amerikalik ayollar erkakshoda bo‘lib ketganmiz. Ayol hamisha nozikligida qolsa yaxshi, deb o‘ylayman. Har bir millatning o‘z donishmandligi bor. Liboslar, kiyinish urflarida ham xalqning tarixi, fe’l‑­atvori va haqiqiy qiyofasi aks etadi. O‘z donishmand buloqlaridan uzoqlashgan millatlar o‘zligini tez yo‘qotadi. Dunyoda ellar, elatlar juda ko‘p. Men o‘zbek xal­qini Alloh go‘zallar, donolar va ma’nan qudratli xalqlar sirasidan qilib yaratgan, deb bilaman. Mehrim, muhabbatim Sizga bo‘lsin, O‘zbekiston ayollari».
Bugun xolisanillo o‘zimizga shunday savollarni berib ko‘raylik:
Qaysi mamlakatda onalar, ayollar O‘zbekistondagidek e’zozlanmoqda?
O‘zbekiston xotin-qizlarni avaylash, turmushini tugal, hayotini go‘zal qilish, e’zozlash bo‘yicha yuksak marralarni ko‘zlab, amaliy ishlarni qilmoqda. 2012 yilning O‘zbekistonda «Mustahkam oila yili» deb atalishi ham ana shu ulug‘ maqsadning yorqin bir dalili emasmi?