Avtotransport vositalarining diagnostikasi

6.1-rasm. Diagnostik parametrlarning yuqori sezuvchan (1) va past sezuvchan (2) xususiyatlari.
b) bir ma’nolilik xususiyati tuzilmaviy parametrning har bir mikdoriga chiqish jarayonining bitta, aniq miqdorli parametri to’g’ri kelishini, ya’ni parametrning chegaraviy qiymatigacha bir maromda oshib yoki kamayib borishini bildiradi (7-rasm);



6.2-rasm. Diagnostik parametrning bir ma’nolilik (1 va 2 chiziqlar) va bir ma’noli bo’lmagan (3 chiziq A nuqtasida ekstremumli) xususiyatlari tasviri
v) barqarorlik xususiyati diagnostik parametr miqdorlarining variatsiyasi bilan aniqlanadi va o`rtacha kvadratik og’ish () bilan baholanadi;
6.2-rasm. Diagnostik parametr (S)ning tuzilmaviy parametr (Y_i) dagi o’lchangan qiymatlari taqsimlanish zichligi.

Diagnostik parametrning beqarorligi uning ob’ekt texnik holatini baxolash aniqligini pasaytiradi.

g) serma’nolik xususiyati diagnostik parametrning asosiy xusu-siyatlaridan biri bo’lib, parametr miqdorini o’lchash natijalari asosida olinayotgan diagnozning
ishonchliligini ifodalaydi.

, (114)

bu yerda: J_i – serma’nolik xususiyati;

H_x – tizimning to’liq entropiyasi (ya’ni ob’ekt texnik holatining aniqlanmaganligi);

H_I- tizimning texnik diagnostikadan keyingi entropiyasi.

Tizimning to’liq entropiyasi quyidagicha topiladi:

, (115)

bu yerda: P_j – transport vositasida diagnostikalash yordamida aniqlanadigan j – turdagi nosozlikning vujudga kelish ehtimolligi.

Tizimning texnik holati bo’yicha diagnostik parametr yetarli axborotga ega bo’lsa, u holda tizimning diagnostikadan keyingi entropiyasi H_j past bo’lib, natijada diagnostik parametrning serma’noligi ortadi. Agar j turdagi diagnostik parametr qo’llanilsa, u holda nazoratning to’liqligi quyidagicha aniqlanadi.

, (116)

Misol tariqasida diagnostik tashqi belgilar va ularga mos keluvchi diagnostik parametrlar 1-jadvalda keltirilgan
1-jadval

Diagnostik tashqi belgilar va diagnostik parametrlar

Diagnostik tashqi belgilar	Diagnostik parametrlar
1. Samaradorlikning o’zgarishi	quvvat, tormozlanish yo’li, unumdorlik, tortish kuchi va tezlik
2. Ishchi hajmlar zichlik darajasining o’zgarishi	Kompressiya, qisilgan gazning uchib ketishi, gazlarning karterga o’tishi, shinalardagi havo bosimi va h.k.
3. Karter moyi tarkibiing o’zgarishi	qovushoqlik, kislotalilik, ishqorlilik, suvning bo’lishi, yeyilish mahsulotlarining to’planishi
4. Ishlatilgan gazlar tarkibining o’zgarishi	SO, SO2 va qurumning miqdori