Автомобиль саноати корхоналарида маркетинг стратегияларини такомиллаштириш

3-расм. Ўзбекистон автомобиль саноати тармоқларида ишлаб чиқарилган автомобиллар сонининг ўзгариш динамикаси¹¹

«Ўзавтосаноат» АЖ таркибидаги корхоналарда 2017 йилда жами 136,5 минг дона автомобил ишлаб чиқарилган бўлиб, уларнинг 135,4 мингтаси енгил автомобил, 583 таси автобус ва 1768 таси юк автомобилини ташкил этади. 2010-2017 йилларда Ўзбекистонда автомобиль ишлаб чиқариш камайиш тенденциясига эга бўлиб, унга асосий сабаб, ишлаб чиқаришнинг импорт деталлар ва хомашёга юқори даражада боғлиқлиги ҳисобланади. Жаҳон бозорларидаги рақобатнинг кескинлашуви автомобиль саноатида «эргашувчи» мамлакатларда ишлаб чиқаришнинг кескин пасайиш ҳолатини юзага келтирди, бу ҳолат Ўзбекистонга ҳам хосдир.

Жаҳон автомобиль саноати юқори суръатларда ривожланаётган ва таркибий жиҳатдан тез ўзгараётган саноат ҳисобланади. Жаҳонда автомобиль ишлаб чиқариш 2017 йилда жами 73456,5 минг донани ташкил этди ва бу
2000 йилга (41215,6 минг дона) нисбатан 1,9 мартага ошган. 2000 йилда жаҳонда ишлаб чиқарилаётган жами автомобилларнинг 20 фоизини Япония ишлаб чиқарган бўлса, ҳозирда автомобиль ишлаб чиқаришда Хитой 33 фоиз билан етакчилик қилмоқда. Ўзбекистоннинг жаҳон автомобиль ишлаб чиқаришдаги улуши эса 0,2 %га тўғри келмоқда¹².
Жаҳон мамлакатларида автомобиль ишлаб чиқариш юқори даражада ривожланган мамлакат Хитой ҳисобланиб, 2000-2017 йилларда деярли
41 мартани ташкил этди. Автомобиль ишлаб чиқарувчи етакчи 30 та мамлакат орасида атиги 11 тасида ушбу саноатда тегишли йиллар давомида ишлаб чиқаришнинг ўсиши кузатилган бўлиб, 19 та мамлакатда автомобиль ишлаб чиқариш ҳажми пасайиш тенденцияларига эга бўлган (1-жадвал).
1-жадвал
Жаҳон мамлакатларида автомобиль ишлаб чиқаришнинг ривожланиши¹³

Мамла-катлар	2000 й.	Мамла-катлар улуши (%)	2017 й.	Мамла-катлар улуши (%)	Ишлаб чиқаришнинг ўсиши (%)	Улуш ўзгариши (+/-)