Автомобиль йўлларини эксплуатация қилиш

Ҳамма йўллар	Йўллар аҳамияти бўйича, км
Йўллар қопламаси бўйича, км
Шундан тоифаси бўйича, км		Ҳал-қаро	Давлат	Маҳал-лий	ц/б	а/б	Қора	Ша-ғал	Туп-роқ
I	2664	1649	898	117	314	2241	109
II	5969	1723	3648	598	24	5476	469
III	7584	533	4132	2919	28	5113	2443
IV	18993	67	4819	14107		7927	10988	78
V	7485	19	585	6881		1221	4210	1349	705
Жами	42695	3993	14203	24665	1535	21978	18219	1427	705

Ўзбекистон Республикаси Президенти Шавкат Миромонович Мирзиёев томонидан сўнгги йилларда бир неча қарор ва фармонлар ишлаб чиқилмоқда. Бунга мисол қилиб 2018 йил 27 ноябрь ПҚ – 4035 сонли “Автомобил йўлларини қуриш ва улардан фойдаланиш соҳасида ишларни ташкил этишнинг илғор хорижий услубларини жорий этиш чора-тадбирлари тўғрисида” ги қарорини келтириш мумкин. Шунингдек 2019 йил январь ойидаги фармон билан “Транспорт Вазирлиги” ташкил этилди ва “Автомобил йўллари давлат қўмитаси” ушбу вазирлик тасарруфига ўтказилди.

Республика ҳукумати ва Президенти олиб бораётган ижтимоий-иқтисодий сиёсатда мамлакат ҳаётининг барча жабҳаларини ривожлантиришга, айниқса келажак авлодни миллий тикланиш мафкураси руҳида тарбиялашга жуда катта эътибор берилмоқда. Ҳозирги кунда таълим олаётган ёшлар Республикамизнинг келажагидир. Ривожланган давлатлар сафидан ўрин олишни ўз олдига мақсад қилиб қўйган Ўзбекистонимиз, халқ хўжалигининг барча тармоқлари каби таълим соҳасида ҳам илғор технологияларни жорий этиш ва шу орқали таълим мазмунини жаҳон андозалари даражасига олиб чиқишга ҳаракат қилмоқда.Бу вазифаларни бажариш таълим тизимида янги техника ва технологиялардан фойдалана оладиган, юксак малакали, рақобатбардош кадрларни тайёрлаш демакдир.

Йўл жойлашган ҳудуднинг табиий-иқлим шароити

Қорақалпоғистон Республикаси -Қизилқум чўлининг шимоли-ғарбий, Устюрт платосининг жануби-шарқий қисми ва Амударё делтасида жойлашган. Орол денгизининг жанубий қисми Қорақалпоғистон ҳудудида. Қизилқумнинг шимоли-ғарбий қисми Орол денгизи томон пасайиб борувчи кенг ясси текислик бўлиб, қатор тепа ва қумли бар-ханлар (баландлиги 75 м дан 100 м гача) учрайди. Алоҳида тоғ массивлари (энг, йириги – Султон Увайс тоғи, чўққилари 473 м ва 485 м) бор. Суғориладиган ерлар ва суғориш каналлари, асосан, делтанинг ўнг соҳилида. Ғарбида бир нечта ботиқли (Борсакелмас, Асакаовдон ботиқларининг баландлиги 29–101 м) Устюрт платоси жойлашган. Плато Орол денгизи ва Амударё делтасига тик ён бағирли жарлик – чинклар ҳосил қилиб тушган. Устюртдан жануби-шарқда Сариқамиш сойлигининг шимолий чеккаси жойлашган.

Фойдали қазилмалардан ош тузи ва глаубер тузи, минерал хом ашё ҳамда қурилиш материаллари ва бошқалар бор. Иқлими кескин континентал, ёзи қуруқ ва қиши нисбатан совуқ, қор кам ёғади. Январ ойининг ўртача температураси жанубда –4,9°, шимолида – 7,6°, июлда жанубида 28,2°, шимолида 26°. Йиллик ёғин 110 мм, асосан, қиш ва баҳор ойларида ёғади. Вегетация даври 194–214 кун. Энг йирик дарёси–Амударё (қуйи оқими). Амударё ҳавзаси қадимдан суғориладиган ҳудуд сифатида маълум. Дарё сувидан суғоришда фойдаланилади. Нукус шаҳрида жойлашган сув хўжалиги бошқармаси Тахиатош гид-роузели, Қипчоқ гидропостидан Орол денгизигача бўлган (283 км) ҳудуддаги дарёнинг барча сув чиқариш иншоотларини назорат қилади. Ўрта ва юқори оқимларда дарё суви суғоришга кўп сарфланиши натижасида ҳозирги Амударё Орол денгизига бевосита қуйилмайди.

Қорақалпоғистоннинг энг йирик кўли – Орол денгизи, шунингдек, Хўжакўл – Қора-жар кўллар системаси билан боғланган Судоче кўл системаси ҳамда Орол денгизининг қуриб қолган қисмида ташкил этилган сунъий сув ҳавзалари ҳам мавжуд. Сўнгги 40 йил ичида Амударё ва Сирдарё ҳавзаларида суғориладиган ерларнинг кенгайиши натижасида Орол денгизи сув сатҳи 2005-йил бошида 23 м пасайди. Қорақалпоғистоннинг барча сув ҳавзаларидан балиқ овланади, уларда балиқ хўжаликлари ташкил этилган