Автомобил генераторлари

Generator kuchlanishini avtomatik rostlash
1.Generator kuchlanishini avtomatik rostlashning asosiy printsipi

To‘g‘rilagich bloki o‘rnatilgan o‘zgaruvchan tok generatorining qisqichlaridagi kuchlanishi:

Ug » S· n · F ; [ (o‘z navbatida F=f(Iu) ]

Demak, generatorning aylanishlar chastotasi va yuklamasi o‘zgarganda kuchlanishini belgilangan qiymat darajasida ushlab turish , faqat uyg‘otish toki Iu ning qiymatini o‘zgartirish yo‘li bilan amalga oshiriladi. Rotorning aylanishlar chasto-tasi ortishi bilan uyg‘otish tokini kamaytirish va yuklama toki ortishi bilan esa uyg‘otish tokini xam oshirish zarur.

Avtomobillarda asosan quyidagi turdagi kuchlanish rostlagichlari ishlatiladi:

• 
  Elektromagnit (tebranuvchi);
  
• 
  Kontakt-tranzistorli;
  
• 
  Kontaktsiz-tranzistorli (to‘la elektron);
  
• 
  Integral;
  

2. Elektromagnit kuchlanish rostlagichi (EMKR)

EMKR U shaklidagi yarmo 8, o‘zak 3 va unga o‘ralgan chulg‘am 7, yakorcha 4 dan iborat. CHulg‘am 7 generatorning to‘la kuchlanishiga ulangan. Prujina 6 yakorcha 4 ni tortib, kontaktlar 2 ni tutash holda ushlab turadi. Kontaktlarning biri yakorcha 4 ga, ikkinchisi esa qo‘zgalmas ustuncha 1 ga mahkamlangan. Kontaktlarga paralel, uyg‘otish chulg‘amiga esa ketma-ket qo‘shimcha qarshilik R_q ulangan.