Avtomobil elektr jihozlariga qo‘yiladigan asosiy texnik talablar

AKKUMULYATORLAR BATAREYASINI ZARYAD TOKI OZGARMAS BOLGANDA ZARYAD QILISH SXEMASINI CHIZING VA TUSHUNTIRING .Bu usulda zaryad qilinganda akkumulatorlar batareyasi o’zgarmas tok manbaiga ketma-ket ulanadi (1.51-a rasm). Zaryadlash mobaynida tok o’zgar-mas holda saqlanadi va uning qiymati quyidagi ifoda orqali aniqlanadi: Bunda Uz - akkumulatorqisqichlaridagi kuchlanish, V; Eb - zaryadlanayotgan batareyaning EYUKi, V; Rb - akkumulatorlar batareyasining ichki qarshiligi, Om. Zaryadlash davomida tok qiymatini o’zgarmas holda saqlash va uni nazorat qilish uchun akkumulatorlarga ketma-ket reostat R va ampermetr ulanadi. Zaryadlash jarayoni bir yoki ikki bosqichda amalga oshirilishi mumkin. Bir bosqichli jarayonning boshidan oxirigacha zaryadlash tokining qiymati o’zgarmaydi va u 0,05C20 ga teng bo’ladi (C20 - akkumulatorning nominal sig‘imi). Ikki bosqichli jarayonda, elektrolitda gaz ajralib chiqish boshlanguncha akkumulator qiymati 0,15C20 ga teng tok bilan zaryadlanadi (I bosqich). Bunda akkumulatorning har bir bankasidagi kuchlanish 2,4 V gacha ortadi (1.51- b rasm). Shundan keyin, zaryadlash toki 2-3 marta kamaytiriladi va jarayon 0,05C20 ga teng tok bilan tugallanadi (II bosqich). Ikki bosqichli zaryadlash jarayonining afzallik tomoni shundan iboratki, birinchidan akkumulyatorlarni to’la zaryadlash uchun ketadigan vaqt tejaladi (I bosqichda zaryadlash tokining oshirilishi hisobiga), ikkinchidan zaryadlash oxirida elektrolitning qattiq "qaynab" ketishiga yo’l qo’yilmaydi (II bosqichda zaryadlash tokini sezilarli darajada kamaytirish hisobiga) va natijada, plastinalardagi aktiv massa muddatidan avval emirilishini oldi olinadi. Tok qiymati o’zgarmas bo’lganda zaryadlash, hozirgi vaqtda akkumultorlarni zaryad qilishning asosiy usuli hisoblanadi. Bu usul yordamida akkumulyatorlarni to’la

Zaryadlashga erishish mumkin. Bundan tashqari, zaryadlash tokining qiymatini ma’lum chegarada tanlash, uni rostlab turish va nazorat qilish imkoniyati borligi, yangi akkumulyatorlarni birinchi bor zaryad qilishda, plastinalari sulfatlanib qolgan akkumulyatorlarni tiklashda juda qol keladi.