Avtomobil elektr jihozlariga qo‘yiladigan asosiy texnik talablar

SEPARATOR QANDAY VAZIFANI BAJARADI VA QANDAY MATERIALDAN TAYYORLANADI .. Har xil qutbli plastinalarning o’zaro qisqa tutashuvini oldini olish maqsadida ularning orasiga separatorlar 1 joylashtiriladi. Separatorlar kislotaga chidamli, izolyatsiya xususiyatiga ega bo’lgan g‘ovak materiallardan tayyorlanadi. Xususan, mikrog‘ovakli plastmassalar (miplast, porovinil, porving, vinipor) mikrog‘ovakli ebonit (mipor), shisha namati kabi materiallar separatorlar tayyorlashda keng qo’llaniladi. Mipordan tayyorlangan separatorlar o’zining o’ta g‘ovakligi, elektr qarshiligining kamligi bilan boshqa materiallardan tayyorlangan separatorlardan ustun turadi. Miporli separatorlar akkumulatorlar batareyasining ishlash muddatini oshirish imkonini beradi. Lekin, mipor tabiiy kauchukdan olinganligi sababli, undan tayyorlangan separatorlar nisbatan qimmatroq bo’ladi. Miplastdan tayyorlangan separatorlar elektrolitni o’ziga juda tez singdirib oladi, ularning mexanik mustahkamligi, kimyoviy chidamliligi yetarli darajada bo’ladi. Lekin miplastdan tayyorlangan separatorlarning g‘ovakligi nisbatan past va ularda tok o’tkazuvchan o’simtalar hosil bo’lish ehtimoli yuqoriroq bo’ladi. Shuning uchun separatorlari miplastdan tayyorlangan akkumulatorlarning ishlash muddati birmuncha kamroq bo’ladi.