Avtomobil elektr jihozlariga qo‘yiladigan asosiy texnik talablar

Akkumulatorning ichki qarshiligi

Akkumulatorning ichki qarshiligini quyidagi formula orqali ifodalash mumkin:

R = Ro + Rq .

Bunda Ro - aktiv qarshilik, Rq - qutblanish qarshiligi.

Aktiv qarshilik Ro - elektrodlar, elektrolit, separatorlar va akkumulatorda gi metall qismlarning (elementlar aro ulagichlar, plastina panjaralari va hokazo) qarshiliklari yig‘indisidan iboratdir. Tadqiqotlar, aktiv qarshilik Ro akkumulatorto’la zaryadlangan holda eng kichik qiymatga ega bo’lishini ko’rsatadi. Razryadlanish jarayoni boshlangandan so’ng elektrodlardagi aktiv massaning kimyoviy tarkibi o’zgara boshlaydi elektrolitning zichligi pasayadi. Bu esa, o’z navbatida, Ro ni ortishiga olib keladi, chunki g‘ovak qo’rg‘oshinning solishtirma qarshiligi 1,8 10-4 Om sm, qo’rg‘oshin ikki oksidiniki - 74 10-4 Om sm bo’lsa, qo’rg‘oshin sulfat tuzining solishtirma qarshiligi 1107 Om sm ni tashkil qiladi. Keltirilgan ma’lumotlardan ko’rinib turibdiki, razryad natijasida hosil bo’ladigan qo’rg‘oshin sulfat tuzining qarshiligi birlamchi moddalarning (Pb, PbO2 ) qarshiligidan ancha katta qiymatga ega.

Elektrolitning qarshiligi uning zichligi va temperaturasiga bog‘liq. Zichlik va temperatura qancha past bo’lsa, elektrolitning qarshiligi shuncha yuqori bo’ladi. Demak, aktiv qarshilik Ro asosan akkumulatorning razryadlanganlik darajasiga va elektrolitning temperaturasiga bog‘liq ekan.

Yuqorida ta’kidlanganidek, zaryadlanish va razryadlanish vaqtida qutblanish EYUK - akkumulatorning ichki zanjirlaridagi kuchlanishning pasayishi (yoki ortishi) sifatida namoyon bo’ladi. Shuning uchun, qutblanish EYUK ini shartli ravishda qutblanish qarshiligi RQ orqali ifoda etish mumkin, ya’ni:

EQ = I RQ .

Qutblanish qarshiligi elektrolit temperaturasi pasayishi bilan ortadi va tok ortishi bilan ( razryadlanish va zaryadlanish vaqtida) kamayadi.