Avtomobil elektr jihozlariga qo‘yiladigan asosiy texnik talablar

«Мotronic 3.1» даги пуркаш тизими қуйидаги йўналишда такомил-лаштирилган:

- электрон бошқариш блокининг тезлиги ва унумдорлиги оширилган;

- термоанемометрик ҳаво ўлчагич ишлатилган;

- ёнилғини кетма-кет пуркаш режими татбиқ қилинган.

-
Ҳар бир форсунка ЭББ нинг алоҳида чиқиш каскади томонидан бошқарилади. Бу пуркаланаётган ёнилғини юқори аниқлик билан меъёрлаш ва двигателнинг юкламаси ўзгаришига тизимнинг тезкор акс таъсирини таъминлайди.

Автомат узатма қутиси бўлган автомобилларда, гидротрансформатор уланганда двигателнинг айланишлар частотасини пасайишини қоплаш учун, «Мotronic 3.1» тизимининг электрон блоки, селекторнинг «I», «II», «III» ёки «D» ҳолатга қўйилганлиги тўғрисида сигнални қабул қилиб олади ва салт ишлаш ростлагичи узатаётган ёнилғи улушини оширади. Кондиционери бор автомобилларда, кондиционернинг ишга туширил-ганлиги тўғрисидаги сигнал ЭББ га узатилган дақиқасидан бошлаб электрон блок моторнинг салт ишлаш режимини назоратга олади ва зарурат бўйича унга тегишли тузатиш киритади.

Чиқинди газлардаги захарли моддаларни таъсирини камайтирувчи мослама ўрнатилган автомобилларда кислород датчиги ( - зонд) сигнали бўйича «Мotronic 3.1» тизимининг электрон блоки ишчи аралашмани ўта бойитилган ёки ўта суюлтирилган ҳолига кўра мос равишда ёнилғини пуркаш давомийлигини ва демак аралашма таркибини ўзгартиради. 

Ёнилғи бакини адаптив (мосланувчан) бошқариш йўли билан шамоллатадиган клапани 3 қуйидагича ишлайди. Ёнилғи буғи, ёнилғи баки- дан активлаштирилган кўмирли идиш 1 орқали двигателнинг киритиш коллекторига узатилади. Кўмирли идишдан моторнинг киритиш коллекторига борадиган қувурга шамоллатиш клапани 3 ўрнатилган бўлиб, у двигателнинг иш режимига кўра ёнилғи буғларини узатилишини тўхтатиб туради ёки тўхтатмасдан ўтказиб юборади. Клапан двигателнинг айланишлар частотаси ва юкламасига кўра ЭББ томонидан бошқарилади.