Avtomatlashtirish tizimlarini loyihalash

22.5.4.2. Me’yordagi to‘xtatuv
Umumiy mulohazalar
“Me’yordagi to‘xtatuv” mashqining maqsadi – qurilmani to‘g‘ri va xavfsiz uzib tashlash uchun zarur harakatlarining ketma – ketligini o‘rganib olish.
Texnologik uzelni to‘la to‘xtatish odatda asosiy qurilmani rejadagi ta’mirlashni o‘tkazish uchun yoki rahbariyatning ko‘rsatmasi bilan ishlab chiqarish zaruratiga ko‘ra amalga oshiriladi. Barcha manfaatdor xizmatlar bo‘lajak o‘chirib qo‘yish to‘g‘risida xabardor qilinishlari kerak.
Tadbir

1. 
   E – 1 idishga suv uzatishni to‘xtating. Buning uchun FIRC – 110 rostlagichni dastaki rejimga o‘tkazing va uning klapanini to‘la berkiting.
   
2. 
   LIRC – 410 rostlagichni dastaki rejimga o‘tkazing va E – 1 idishni bo‘shatish uchun klapanni ochiq qoldiring.
   
3. 
   E – 1 idishdagi sath taxmimnan 5% ga yaqinlashganda, LIRC – 410 rostlagich klapanini berkiting.
   
4. 
   LIRC – 430 rostlagichni E –2 idishni bo‘shatish uchun klapanini ochiq holda dastaki rejimga o‘tkazing.
   
5. 
   E – 2 idishning sathi (LIRC – 430 datchigi) 5-10% ni tashkil etganda, N–1A nasosni o‘chiring.
   
6. 
   Mos ravishda E –1 va E –2 idishlardagi suyuqlik qoldiqlarini drenaj qilish (quritish) uchun NV – 001 va HV – 002 ajratkichlarni oching. Idishlar bo‘shagandan so‘ng NV – 001 va HV – 002 ajratkichlarni berkiting.
   
7. 
   RIRC – 210 va RIRC – 230 bosim rostlagichlarini dastaki rejimga o‘tkazing. Bosimni pasaytirish uchun “V” klapanlarni yoping va “A” klapanlarni oching.
   
8. 
   RIRC – 210 va RIRC – 230 datchiklar 0 kg/sm² ni ko‘rsatganda, barcha rostlovchi klapanlarni berkiting.
   
9. 
   Klapanlar yig‘malaridagi barcha VV – 110, VV – 410, VV – 430 ajratkichlarni berkiting.
   

22.6-§. ARALASHTIRGICH REZERVUAR


22.6.1. Texnologik uzelning tavsifi

Talab qilingan konsentrasiyadagi aralashtirilgan eritma hosil qilish maqsadida toza suv va sirka kislotasi oqimlarini aralashtirish amalga oshiriladigan idish modellashtiriladi. Suv va kislota nasoslar yordamida aralashtiriladigan idishga uzluksiz uzatib turiladi, u erda aralashtirgich yordamida mexanik aralashtirish amalga oshiriladi. Aralashtirilgan eritma idishdagi berilgan sath saqlangan holda oziq – ovqat nasosi yordamida uzluksiz chiqarib olinadi.

Texnologik uzelning sxemasi 22.6– rasmda keltirlgan


22.6 – rasm. Texnologik uzel sxemasi.