13 Ma’ruza. Rezervuarlar va rezervuarlar qurilmalari Rezervuar park

13 Ma’ruza. Rezervuarlar va rezervuarlar qurilmalari
Rezervuar park – neft va neft mahsulotlarini saqlashga mo’ljallangan, perimetri bo’yicha tuproq bilan to’ldirilgan yoki to’siq devor bilan ajratilgan hududda joylashgan er usti rezervuarlari guruhi (guruhlari)dan iborat.
Rezervuarlar va uskunalarning tuzilishi, texnik ekspluatatsiyasi, ularga xizmat ko’rsatilishi va ta’mirlanishi quyida keltiriladigan qurilish me’yorlari va qoidalari (QMva Q) talablarini hisobga olgan holda amalga oshirilishi kerak:
Bitta guruhda bo’lgan rezervuarlar o’rtasidagi o’rtacha masofa – 30 m. Guruhda, sig’imi 1000 m³ dan kam bo’lgan rezervuarlarni 4 qatordan oshmaydigan qilib, sig’imi 1000 dan 10 000 m³ gacha bo’lganlarini uch qatordan oshmaydigan qilib, sig’imi 10 000 m³ va undan ko’p bo’lganlarini 2 qatordan oshmaydigan qilib joylashtirish kerak. Qo’shni guruhlarda joylashgan eng yaqin rezervuarlar devorlari orasidagi masofa, rezervuar sig’imi 20 000 m³ gacha bo’lganida, 40 m gacha bo’lishi kerak.
Ikki va undan ortiq qator bilan joylashgan yer usti vertikal rezervuarlarining har bir guruhiga harakatlanuvchi yong’in o’chirish texnikasining qum devor ichiga kirish yo’llarining bo’lishi e’tiborga olinishi kerak. Bunda kirish qismining rejalashtirilgan belgisi to’kilgan suyuqlikning hisoblangan hajmidan 0,2 m yuqorida bo’lishi kerak.
Ekspluatatsiyada bo’lgan har bir rezervuar uchun quyidagi hujjatlar bo’lishi kerak:
a) rezervuarning texnik pasporti;
b) ponton uchun texnik pasport;
v) rezervuarninggraduirlangan jadvali;
g) rezervuarning texnologik xaritasi va texnologik quvurlar sxemasi;
d) joriy xizmat jurnali;
e) yashindan himoyalanish, statik elektrning hosil bo’lishidan himoyalanish jihozlarini ishlatish jurnallari;
j) yashindan, rezervuarni statik elektrning hosil bo’lishidan himoyalanish sxemalari.
Har bir rezervuar qo’llanilish va ekspluatatsiya qilish sharoitlariga bog’liq ravishda loyihaga kiritilgan jihozlarning to’la komplekti bilan ta’minlangan bo’lishi kerak. Rezervuar pasportida unga o’rnatilgan uskuna to’g’risida texnik ma’lumotlar keltiriladi.
Rezervuarlar loyihaga mos tarzda jihozlanadi.