Автоматлаштириш тизими элементларини эксплуатация жараёнида ишончлиликка синаш Режа; Ишончлиликка синашнинг мақсад­и

7.7. Ишончлиликка синаш режалари

Ишончлиликка синаш ҳар хил режалар орқали ташкил этилади. Синов ўтказиш режалари маълум қоидаларга бўйсинади ва тегишли муддатларда олиб борилади. Синаш режалари бир мунча кўрсаткичларни ўз ичига олади, масалан, назорат остидаги буюмлар сони; бузилган буюмлар алмаштириладими ёки йўқми; синов қачон тўхтатилади ёки синовни давом эттириш учун қўшимча буюмлар қўйиладими ва ҳ.к. 10.
Синаш режалари
1. [NUN] - тугалланган синаш режаси. Кузатувга N буюмлар қўйилган, кузатувлар ҳамма буюмлар ишдан чиққунгача олиб борилади. Бузилган буюмлар янгилари билан алмаштирилмайди. Синовлар натижасида унга қўйилган буюмларнинг ишлаш муддатлари аниқланади (t₁,t₂ ,….,t_N)
Бу ерда: N – кузатувга қўйилган буюмлар сони; U - бузилган буюмлар янгилари билан алмаштирилмайдиган режалар; N – кузатув даврида бузилган буюмлар сони.
2. [NUr] - тугалланмаган синаш режаси. Кузатувга N буюмлар қўйилган, кузатувлар r бузилишлар содир бўлгунча олиб борилади. Бузилган буюмлар янгилари билан алмаштирилмайди. Синовлар натижасида унга қўйилган буюмларнинг r бузилишлар содир бўлгунча ишлаш муддатлари аниқланади (t₁,t₂,….,t_r)
Бу ерда: r – бузилишлар сони.
3. [NUT] - тугалланмаган синаш режаси. Кузатувга N буюмлар қўйилган, кузатувлар Т вақтгача олиб борилади. Бузилган буюмлар янгилари билан алмаштирилмайди. Синовлар натижасида унга қўйилган буюмларнинг ишлаш муддатлари аниқланади (t₁,t₂,….,t_Т)
Бу ерда: Т – кузатув муддати.
4. [NUZ] - тугалланмаган синаш режаси. Кузатувга N буюмлар қўйилган, кузатув натижасида бузилишлар сони ва буюмнинг ишлаш муддатлари (t₁,t_{2 ,},…,t_R) аниқланади ҳамда бузилмаган буюмларнинг синаш даврида ишлаган муддатлари (₁,₂…_N-R) эътиборга олинади.
Бу ерда: Z - бузилган буюмларнинг охирги ҳолатгача ва бузилмаган буюмларнинг синаш даврида ишлаш муддатлари.
5. [N,R,r] - тугалланмаган синаш режаси. Кузатувга N буюмлар қўйилган, кузатувлар r бузилишлар содир бўлгунгача олиб борилади. Бузилган буюмлар янгилари билан алмаштирилади ёки таъмирланади.
Бу ерда: R - бузилган буюмлар янгилари билан алмаштириладиган режалар;
r – бузилишлар сони.
6. [N,R,T] - тугалланмаган синаш режаси. Кузатувга N буюмлар қўйилган, кузатувлар Т вақтгача олиб борилади. Бузилган буюмлар янгилари билан алмаштирилади ёки таъмирланади.